وزیراعظم نریندرمودی حلف لیتے ہوئے۔(تصویر:ٹویٹر)۔
سترہویں لوک سبھا کا پہلا اجلاس نو منتخب اراکین کی حلف برداری کے ساتھ آج یہاں شروع ہوگیا۔عبوری اسپیکر ویریندر کمار نے ایوان زیریں کے نئے قانون سازوں کو حلف دلایا ۔وزیراعظم نریندر مودی نے جو ایوان کے رہنما بھی ہیں، سب سے پہلے حلف لیا۔ انہوں نے ہندی میں حلف اٹھایا۔ اس کے بعد کوڈی کونیل سریش (کانگریس) بھتروہری مہتاب (بی جے ڈی) اور برج بھوشن شرن سنگھ (بی جے پی) نے حلف اٹھائے۔ مہتاب نے اڑیہ زبان میں حلف لیا۔ اس کے بعد مرکزی وزیروں میں راجناتھ سنگھ، امت شاہ، نتن گڈکری اور دوسروں نے حلف لئے۔
پی ایم مودی جب ایوان میں داخل ہوگئے تو مودی مودی کے نعروں سے ان کا استقبال کیا گیا اور جب وہ حلف لینے کے لئے پکارے گئے تو ایک بار پھر میزیں تھپتھپاکر اور مودی مودی کے نعروں کے ذریعہ ان کا خیرمقدم کیا گیا۔ اجلاس کے آغاز سے قبل نریندرمودی نے تمام اراکین کی اولین صف کے سامنے سے گذرتے ہوئے انہوں نے سب کا خیرمقدم کیا اور اپوزیشن کے حلقے میں بھی گئے جہاں انہوں نے کانگریس کی سابق صدر سونیا گاندھی کا ہاتھ جوڑ کر آداب کہا، نیشنل کانفرنس کے ڈاکٹر فاروق عبداللہ سے مصافحہ کیا ، سماجوادی پارٹی کے رہنما ملائم سنگھ سے بھی ملے۔ایوان آراستہ ہونے کے بعد عبوری اسپیکر ویریندر کمار نے تمام نومنتخب اراکین کو مبارکباد دی اور کہا کہ انہیں بھروسہ ہے کہ اراکین ذمہ دارانہ طورپر اپنے فرائض انجام دے گی۔
دیگرحلف لینے والوںمیں مرکزی وزیر ڈاکٹر ہرش وردھن، اشونی کمارچوبے اور شری پد نائک نے سنسکرت میں حلف لئے۔ امیٹھی میں کانگریس کے صدر کو ہرانے والی اسمرتی ایرانی نے جب حلف لیا تو اس وقت حکمراں حلقے کے اراکین بشمول وزیراعظم نے میزیں تھپتھپائیں۔
BJP MP @Drvirendrakum13 takes oath as Protem Speaker of 17th #LokSabha at #rashtrapatibhavan pic.twitter.com/yhxYkLsYJb
— DD India - English News (@DDIndiaLive) June 17, 2019
PM @narendramodi takes oath as #LokSabha MP pic.twitter.com/XdFoxDY6t5 — DD India - English News (@DDIndiaLive) June 17, 2019
Union Minister @AmitShah takes oath as a member of the 17th #LokSabha Watch LIVE: https://t.co/bwNfxM2EV4 #parliament1stsitting pic.twitter.com/wtu2rIp6Yh — DD India - English News (@DDIndiaLive) June 17, 2019
BJP MP from #amethi , @smritiirani takes oath as a member of the 17th #LokSabha Watch LIVE: https://t.co/bwNfxM2EV4 pic.twitter.com/S4IwayfIM6 — DD India - English News (@DDIndiaLive) June 17, 2019