آکاش وجے ورگیہ کی حرکت سے پی ایم مودی خفا، کہا بدسلوکی ناقابل قبول، کوئی غلط کرے تو کارروائی ہو

وزیر اعظم نے یہ تبصرہ بی جے پی کے جنرل سکریٹری کیلاش وجے ورگیہ کے ممبر اسمبلی بیٹے آکاش وجے ورگیہ کے اندور میونسپل کارپوریشن کے افسر کو بلے سے مارنے کے واقعہ کے پس منظر میں کیا تھا۔

Jul 02, 2019 06:41 PM IST | Updated on: Jul 02, 2019 06:42 PM IST
آکاش وجے ورگیہ کی حرکت سے پی ایم مودی خفا، کہا بدسلوکی ناقابل قبول، کوئی غلط کرے تو کارروائی ہو

وزیر اعظم نریندر مودی

وزیر اعظم نریندر مودی نے بھارتیہ جنتا پارٹی کے امیج کو نقصان پہنچانے والی حرکتوں کو ناقابل قبول قرار دیتے ہوئے کہا کہ پارٹی کے ممبر پارلیمنٹ سے لے کر ہر چھوٹا بڑا کوئی بھی کارکن اگر غلط کام کرتا ہے تو اس پر کارروائی ہونی چاہئے۔ وزیر اعظم نے منگل کو یہاں پارلیمنٹ ہاوس کے احاطے میں بی جے پی پارلیمانی پارٹی کی پہلی میٹنگ سے خطاب کرتے ہوئے یہ بات کہی۔

بی جے پی کے ممبر پارلیمنٹ اور ترجمان راجیو پرتاپ روڈی نے یہاں نامہ نگاروں کو بتایا کہ ”وزیر اعظم نے کہا ہے کہ کسی بھی طرح کا گھمنڈ، غرور یا بدسلوکی‘ جس سے پارٹی کے امیج کو نقصان پہونچتا ہو‘ ناقابل قبول ہے اور اگر کوئی ایسا کرتا ہے تو اس کے خلاف کارروائی ہونی چاہئے‘‘۔

Loading...

ذرائع کے مطابق وزیر اعظم نے یہ تبصرہ بی جے پی کے جنرل سکریٹری کیلاش وجے ورگیہ کے ممبر اسمبلی بیٹے آکاش وجے ورگیہ کے اندور میونسپل کارپوریشن کے افسر کو بلے سے مارنے کے واقعہ کے پس منظر میں کیا تھا۔

Loading...