உங்கள் மாவட்டத்தைத் தேர்வுசெய்க

    BRICS Summit:چینی صدر شی جن پنگ کی دعوت پر بریکس سمٹ میں حصہ لیں گے پی ایم مودی، ہوگی ورچول میٹنگ

    چین کی دعوت پر بریکس اجلاس میں حصہ لیں گے پی ایم مودی۔

    چین کی دعوت پر بریکس اجلاس میں حصہ لیں گے پی ایم مودی۔

    BRICS Summit: برکس تمام ترقی پذیر ممالک کے لیے مشترکہ تشویش کے مسائل پر بات چیت اور مشاورت کا ایک فورم بن گیا ہے۔ اس گروپ نے باقاعدگی سے کثیرالجہتی نظام کی اصلاح پر زور دیا ہے تاکہ اسے مزید نمائندگی کرنے والا اور جامع بنایا جاسکے۔

    • Share this:
      نئی دہلی: وزارت خارجہ نے منگل کو کہا ہے کہ وزیر اعظم نریندر مودی چینی صدر شی جن پنگ کی دعوت پر 23 اور 24 جون کو BRICS کے پانچ ملکی گروپ کے ڈیجیٹل طور پر منعقد ہونے والے سالانہ سربراہی اجلاس میں شرکت کریں گے۔ چین رواں سال کے لیے گروپ کے چیئرمین کی حیثیت سے سربراہی اجلاس کی میزبانی کر رہا ہے۔ برکس (برازیل-روس-ہندوستان-چین-جنوبی افریقہ) دنیا کے پانچ سب سے بڑے ترقی پذیر ممالک کا ایک گروپ ہے، جو عالمی آبادی کا 41 فیصد، عالمی مجموعی گھریلو پیداوار (جی ڈی پی) کا 24 فیصد اور عالمی تجارت کا 16 فیصد نمائندگی کرتا ہے۔

      روس کے صدر ولادیمیر پوتن، برازیل کے صدر جائر بولسونارو اور جنوبی افریقہ کے صدر سیرل رامفوسا سربراہی اجلاس میں شرکت کریں گے۔ وزارت خارجہ نے ایک بیان میں کہا، "وزیر اعظم نریندر مودی چین کے صدر شی جن پنگ کی دعوت پر 23 اور 24 جون کو ڈیجیٹل طور پر چین کی طرف سے منعقد ہونے والی 14ویں برکس چوٹی کانفرنس میں شرکت کریں گے۔" اس میں 24 جون کو مہمان ممالک کے ساتھ عالمی پیشرفت پر اعلیٰ سطحی مکالمہ بھی شامل ہے۔

      بیان میں کہا گیا ہے کہ برکس تمام ترقی پذیر ممالک کے لیے مشترکہ تشویش کے مسائل پر بات چیت اور مشاورت کا ایک فورم بن گیا ہے۔ اس گروپ نے باقاعدگی سے کثیرالجہتی نظام کی اصلاح پر زور دیا ہے تاکہ اسے مزید نمائندگی کرنے والا اور جامع بنایا جاسکے۔

      وزارت خارجہ نے کہا، ’14ویں بریکس اجلاس کے دوران دہشت گردی مخالف اقدامات، تجارت، صحت، روایتی طب، ماحولیات، سائنس، زراعت، تکنیک اور تعلیم ، جیسے شعبوں میں تعاون پر بات چیت ہونے کا امکان ہے۔‘

      یہ بھی پڑھیں:
      Explained: چین ہانگ کانگ کوبرطانیہ کی کالونی کیوں قراردے رہاہے؟ ہانگ کانگ کاکیا ہےردعمل؟

      یہ بھی پڑھیں:
      Asad Owaisi کا مرکز پر نشانہ،’کیا پی ایم چاہتے ہیں کہ ہمارے فوجی چار سال بعد چوکیدار بنیں‘

      بیان میں کہا گیا ہے کہ کثیرالجہتی نظام میں اصلاحات، کوویڈ 19 وبائی مرض کا مقابلہ کرنے اور عالمی اقتصادی بحالی جیسے امور پر بھی بات چیت ہونے کا امکان ہے۔ وزارت خارجہ نے کہا کہ بدھ کو برکس بزنس فورم کی افتتاحی تقریب میں وزیر اعظم مودی کی ریکارڈ شدہ تقریر چوٹی کانفرنس سے پہلے نشر کی جائے گی۔
      Published by:Shaik Khaleel Farhaad
      First published: