تمام ریاستوں میں مقامی زبان میں میڈیکل اورتکنیکی کالج قائم کرنے پرزور،پی ایم نریندرمودی کا خطاب

وزیراعظم نریندر مودی نے اتوار کو کہا کہ ہرآسام میں کم ازکم ایک ایک ایسے میڈیکل اور تکنیکی کالج قائم کئے جائیں گے جہاں مقامی زبان میں تعلیم دی جائے گی۔پی ایم مودی نے یہاں وشوناتھ اور چرئی دیو میں میڈیکل کالج اسپتال کے سنگ بنیاد کے موقع پر ایک ریلی سے خطاب کرتے ہوئے کہا،’’میراایک خواب ہے، حالانکہ کچھ لوگ اسے ناعاقبت اندیشی بھی کہہ سکتے ہیں۔ میرا خواب ہے کہ ہرایک ریاست میں کم ازکم ایک میڈیکل کالج اور ایک تکنیکی کالج ہوں، جہاں مقامی زبان میں تعلیم دی جائے۔‘‘انہوں نے کہا کہ آسام میں اپریل-مئی میں انتخاب کے بعد نئی حکومت آنے پر اس سمت میں کام شروع ہوگا۔ یہ کام آہستہ آہستہ شروع ہوسکتا ہے، لیکن ایک بار شرو ع ہونے کے بعد اسے کوئی روک بھی نہیں سکے گا۔

Today, when Assam is witnessing development in every sector, we must make sure the ability of the state grows as well and we’re catalyzing this with the ‘Assam Mala’ project.

In the next 15 years, Assam will have see wholesome changes in infrastructure and connectivity - PM Modi pic.twitter.com/F3MfQd4NxP

— BJP (@BJP4India) February 7, 2021

انہوں نے کہا کہ صحت سہولیات کے شعبے میں آسام پہلےپیچھے رہا اور گزشتہ چھ دہائیوں میں چھ میڈیکل کالج کی بنسبت 2016 کے بعد پانچ سالوں کے اندر ریاست میں چھ نئے میڈیکل کالج کھولےگئے ہیں۔ گوہاٹی کے ایمس کا ذکر کرتے ہوئے انہوں نےاعتماد کا اظہار کیا کہ یہ جلد ہی شمال مشرقی خطے کے لئے طبی سہولیات کے مرکز میں تبدیل ہوجائے گا۔

انہوں نے مرکز کے مختلف صحت منصوبوں کو نافذ کرنے کے لئے آسام کی بھارتیہ جنتا پارٹی کی زیرقیادت حکومت کی ستائش کی اور کہا کہ یہ یقینی بنانے کی ضرورت ہے کہ معاشی طور سے کمزور طبقے کی محنت کی کمائی کو میڈیکل اخراجات پر خرچ ہونے سے بچایا جائے۔