وزیراعظم مودی آج دہلی میں کریں گے گلوبل کانفرنس کی شروعات، ٹیرر فنڈنگ کو روکنے پر ہوگی بات چیت

قومی تفتیشی ایجنسی کے ڈائریکٹر جنرل دینکر گپتا نے کہا ہے کہ، دہشت گردی فنڈنگ کے لیے سوشل میڈیا پلیٹ فارم کا استعمال کیا جارہا ہے۔ ہندوستان کے پاس اس کا ثبوت ہے اور دہشت گردی فنڈنگ روکنے کے ارادے سے جمعہ کو ہونے والے دو روزہ بین الاقوامی وزرا سطح کی کانفرنس میں بھی اس پر بات چیت ہوگی۔ وزیراعظم نریندر مودی اس کا افتتاح کریں گے۔

این آئی اے ڈائریکٹر جنرل نے جمعرات کو پریس کانفرنس میں بتایا کہ پاکستان اور افغانستان کانفرنس میں حصہ نہیں لیں گے اور چین کی جانب سے اتفاق ملنا باقی ہے۔ گپتا نے واضح کیا کہ ملک سے متعلق بات چیت کانفرنس کے ایجنڈے میں نہیں ہے۔ کانفرنس میں 73 ممالک کے مندوبین ہوں گے جن میں 15 سے زائد وزراء بھی شامل ہیں، تمام مسائل پر کھل کر بات کریں گے، چاہے وہ دہشت گردی کا ذریعہ ہو، خطرات ہوں یا اس کی فنڈنگ۔

یہ بھی پڑھیں:
ملک کا پہلا پرائیوٹ راکٹ آج ہوگا لانچ، نئی راہ کے لیے اسرو نے 100 اسٹارٹ اپ سے کیا معاہدہ

یہ بھی پڑھیں:
اترپردیش: اعظم خان کو لگا بڑا جھٹکا، اب نہیں ڈال پائیں گے ووٹ،ووٹر لسٹ سے نام ہٹانے کا حکم

کرپٹوکرنسی و کراوڈ فنڈنگ کی کمزور نگرانی پر بھی ہوگی بات چیت
دینکر گپتا نے کہا، دو دنوں میں چار عالمی دہشت گردی، اسے ملنے والے فنڈ، دہشت گردی کو رسمی اور غیر رسمی مدد، ٹیرر فنڈنگ کے نئے ابھرتے تکنیکی طریقے اور دہشت گردی کے خلاف بین الاقوامی تعاون پر بات چیت ہوگی۔ کرپٹو کرنسی و کراوڈ فنڈنگ سے دہشت گردی کی نشونما کرنے و سوشل میڈیا کی کمزور مانیٹرنگ جیسے موضوعات پر بھی تبادلہ خیال ہوگا۔ وزارت داخلہ و خارجہ کے عہدیدار پاکستان و افغانستان کو مدعو کرنے کے سوال کو ٹال گئے۔ اس پر وزارت خارجہ کے سکریٹری (ویسٹ) سنجے ورما نے بس اتنا کہا، چین کو مدعو کیا گیا ہے۔