உங்கள் மாவட்டத்தைத் தேர்வுசெய்க

    راکیش جھجھن والا کے انتقال سے غم کی لہر، PM مودی نے ان الفاظ میں کیا یاد

    راکیش جھجھن والا کے انتقال سے غم کی لہر، PM مودی نے ان الفاظ میں کیا یاد ۔ فوٹو کریڈٹ :  @narendramodi

    راکیش جھجھن والا کے انتقال سے غم کی لہر، PM مودی نے ان الفاظ میں کیا یاد ۔ فوٹو کریڈٹ : @narendramodi

    PM Modi condoles Rakesh Jhunjhunwala : راکیش جھجھن والا کی موت پر غم کی لہردوڑ گئی ۔ وزیر اعظم نریندر مودی نے راکیش جھجھن والا کی موت پر اپنے گہرے رنج و غم کا اظہار کرتے ہوئے ٹویٹ کیا ۔

    • Share this:
      نئی دہلی : ہندوستانی شیئر بازار کے بگ بل یا جادوگر کہے جانے والے راکیش جھجھن والا کا اتوار کی صبح انتقال ہوگیا ۔ وہ 62 سال کے تھے ۔ راکیش جھجھن والا کی موت پر غم کی لہردوڑ گئی ۔ وزیر اعظم نریندر مودی نے راکیش جھجھن والا کی موت پر اپنے گہرے رنج و غم کا اظہار کرتے ہوئے ٹویٹ کیا : راکیش جھجھن والا بے مثال ہمت والے شخص تھے ۔ وہ زندگی کو بھرپور طریقے سے جیتے تھے اور زندگی کے تئیں گہری سمجھ رکھتے تھے ۔ وہ مزاحیہ بھی کافی تھے ۔ فائنانشیل ورلڈ میں راکیش جھجھن والا نے انمٹ کردار ادا کیا ہے ۔ وہ ہندوستان کی ترقی کے تئیں بھی کافی پرجوش رہتے تھے ۔ ان کا جانا کافی افسوسناک ہے ۔ ان کے اہل خانہ اور فینس کے تئیں میری تعزیت ۔

       

      یہ بھی پڑھئے: شیئر مارکیٹ کے لیجنڈ سرمایہ کار Rakesh Jhunjhunwala کی 62 سال کی عمر میں موت


      خیال رہے کہ حال ہی میں راکیش جھجھن والا نے وزیر اعظم مودی سے ملاقات کی تھی ۔ اس ملاقات کے دوران ایک دلچسپ واقعہ ہوگیا ۔ جب وزیر اعظم سے ملاقات کے بعد ان کی تصویر سامنے آئی تو ان کی شرٹ کافی مڑی ہوئی تھی ۔ جب ان سے اس بارے میں سوال کیا گیا تو انہوں نے مزاحیہ انداز میں کہا : اس میں میری کیا غلطی ۔


      یہ بھی پڑھئے: سیتارمن نے کہا-مالی حالات کے تجزیہ کے بعدہی Free Schemes کااعلان کریں ریاستی حکومتیں


      انہوں نے کہا کہ انہوں نے شرٹ پر پریس تو کرائی تھی، اس کے باوجود اس میں سلوٹیں پڑ گئیں تو وہ کیا کرسکتے ہیں ۔ پھر انہوں نے مزاحیہ انداز میں کہا : مجھے کون سا کلائنٹ بنانا ہے یا کسٹمر بنانا ہے ۔ اس ملاقات کے بعد وزیر اعظم مودی نے جھنجھن والا کی جم کر تعریف کی تھی ۔ وزیر اعظم مودی نے ون اینڈ آنلی کہہ کر مخاطب کیا تھا ۔

      بتا دیں کہ راکیش جھجھن والا ایک ٹریڈر ہونے کے ساتھ ساتھ چارٹیڈ اکاونٹینٹ بھی تھے اور ملک کے سب سے امیر کاروباریوں میں سے ایک تھے ۔ راکیش جھجھن والا ہنگامہ میڈیا اور ایپ ٹیک کے سربراہ ہونے کے ساتھ ساتھ وائسرائے ہوٹلز، کانکارڈ بایوٹیک، پروووگ انڈیا اور جیوجت فائنانشیل سروسیز کے ڈائریکٹر بھی تھے ۔ حال ہی میں انہوں نے اکاسا ایئرلائنز لانچ کی تھی ۔ ارب پتی سرمایہ کار راکیش جھجھن والا نے 40 فیصد حصہ داری کیلئے اکاسا ایئر میں 50 ملین ڈالر کی سرمایہ کاری کی تھی ۔
      Published by:Imtiyaz Saqibe
      First published: