وزیر اعظم مودی نے وڈودرہ میں ٹاٹا ایئربس C-295 ٹرانسپورٹ ایئرکرافٹ پلانٹ کا رکھا سنگ بنیاد

وڈودرہ : وزیر اعظم نریندر مودی نے اپنے تین روزہ دورہ گجرات پر اتوار دوپہر وڈودرہ پہنچے ۔ یہاں انہوں نے ایک روڈ شو میں حصہ لیا ۔ اس دوران سڑک کی دونوں طرف لوگوں کی بھاری بھیڑ نظر آئی ۔ عوام  نے وزیر اعظم مودی کا گرمجوشی سے استقبال کیا ۔ انہوں نے بھی ہاتھ ہلا کر اور نمسکار کرکے لوگوں کا شکریہ قبول کیا ۔ اس کے بعد وزیر اعظم مودی ٹاٹا ایئربس کے ۔۔۔۔ ٹرانسپورٹ ایئرکرافٹ مینوفیکچرنگ پلانٹ کے فاونڈیشن لیئنگ سیریمینی میں شامل ہوئے ۔ ملک کے وزیر دفاع راجناتھ سنگھ کی موجودگی میں گجرات کے وزیر اعلی بھوپیندر پٹیل، ٹاٹا سنس کے چیئرپرسن این چندرشیکھرن و دیگر نے وزیر اعظم نریندر مودی کو مومینٹو پیش کیا ۔

وزیر دفاع راجناتھ سنگھ نے کہا کہ آج ملک میں پہلی مرتبہ پرائیویٹ سیکٹر کے ذریعہ کسی ایئرکرافٹ مینوفیکچرنگ پلانٹ کا سنگ بنیاد رکھا جارہا ہے ۔ یہ یقینی طور پر دفاعی شعبہ کے ساتھ ساتھ پورے ملک کیلئے فخر کی بات ہے ۔ ایئربس کے چیف کمرشیل افسر کرشچین شیرر نے کہا کہ ہم عاجزی اور ذمہ داری کے جذبہ کے ساتھ ایئربس میں ہندوستانی سرکار کے بھروسہ کو قبول کرتے ہیں ۔ ٹاٹا اور ایئربس مل کر ایک ایسا ایئرکرافٹ بنائیں گے جو آئی اے ایف کو مضبوط بنائے ۔

یہ بھی پڑھئے: یکساں سول کوڈ پر اسد الدین اویسی نے کہی یہ بات، کیجریوال نے کہا کہ ہم UCC چاہتے ہیں لیکن..

یہ بھی پڑھئے: ہریانہ کے 9 اضلاع میں پولنگ جاری، ضلع پریشد اور پنچایت سمیتیوں کے ارکان ہونگے منتخب

ہندوستان میں پہلی مرتبہ کوئی پرائیویٹ کمپنی ایئرکرافٹ بنانے جارہی ہے ۔ وزارت دفاع کے افسران نے بتایا کہ ٹاٹا ایئربس کا جوائنٹ وینچر وڈودرہ پلانٹ میں سی 295 ٹرانسپورٹ ایئرکرافٹ کو بنائے گا ۔  ایئرکرافٹ بنانے میں 96 فیصد حصہ داری ہندوستان کی ہوگی ۔ ان ایئرکرافٹ کی سپلائی 2026 سے شروع ہو کر 2031 تک پوری ہوگی ۔ پہلے 16، C-295 ایئرکرافٹ 2023 سے 2025 کے درمیان ڈیلیور کئے جائیں گے ۔

فضائیہ کے وائس چیف ایئر مارشل سندیپ سنگھ کے مطابق یہ ڈیل پوری ہونے کے بعد آئی اے ایف C-295 ٹرانسپورٹ ایئرکرافٹ کی سب سے بڑا آپریٹر بن جائے گا ۔