உங்கள் மாவட்டத்தைத் தேர்வுசெய்க

    سرکار کے آٹھ سال پورے ہونے پر PM مودی نے کہا : جس چکر میں ملک 2014 سے پہلے پھنسا تھا، اس سے باہر نکل رہا ہے

    سرکار کے آٹھ سال پورے ہونے پر PM مودی نے کہا : جس چکر میں ملک 2014 سے پہلے پھنسا تھا، اس سے باہر نکل رہا ہے ۔ فائل فوٹو ۔

    سرکار کے آٹھ سال پورے ہونے پر PM مودی نے کہا : جس چکر میں ملک 2014 سے پہلے پھنسا تھا، اس سے باہر نکل رہا ہے ۔ فائل فوٹو ۔

    Modi@8: سرکار کے آٹھ سال پورے ہونے پر وزیر اعظم مودی نے کہا کہ جس چکر میں ملک 2014 سے پہلے پھنسا تھا، اس سے باہر نکل رہا ہے ۔

    • Share this:
      نئی دہلی : سرکار کے آٹھ سال پورے ہونے پر وزیر اعظم مودی نے کہا کہ جس چکر میں ملک 2014 سے پہلے پھنسا تھا، اس سے باہر نکل رہا ہے ۔ وزیر اعظم مودی نے کہا کہ آج ملک کی خود اعتمادی بڑھ گئی ہے ۔ انہوں نے کہا کہ باشندگان وطن کا خود پر بھروسہ بے مثال ہے ۔ وزیر اعظم نے کہا کہ بدعنوانی ، ہزاروں کروڑ کے گھوٹالے ، بھائی بھتیجہ واد، ملک بھر میں پھیل رہی دہشت تنظیمیں ، علاقائی بھید بھاو ، جس چکر میں ملک 2014 سے پہلے پھنسا ہوا تھا، اس سے باہر نکل رہا ہے۔ وزیر اعظم مودی نے یہ باتیں پی ایم کیئرس فار چلڈرین اسکیم کے لانچ کے موقع پر کہی ۔

       

      یہ بھی پڑھئے : کورونا میں یتیم ہوئے بچوں کیلئے شروع ہوئی کیئر فار چلڈرین اسکیم، وزیر اعظم نے کہا : ان کی تکلیف الفاظ میں بیان کرنا مشکل


      بتادیں کہ سال 2014 میں وزیر اعظم مودی پہلی مرتبہ ملک کے وزیر اعظم بنے تھے ۔ وزیر اعظم کے مطابق ان کی سرکار غریبوں کی لگاتار مدد کررہی ہے ۔ انہوں نے کہا کہ ٹیکنالوجی کا استعمال بڑھا کر ہماری سرکار نے غریب کو اس کے حقوق یقینی بنائے ہیں ۔ اب غریب سے غریب کو کو بھروسہ ہے کہ سرکار کی اسکیموں کا فائدہ اس کو ملے گا ، مسلسل ملے گا ۔ اس بھروسہ کو بڑھانے کیلئے ہماری سرکار اب صد فیصد با اختیار بنانے کی مہم چلا رہی ہے ۔

       

      یہ بھی پڑھئے : سدھو موسے والا کے اہل خانہ کا پوسٹ مارٹم کروانے سے انکار، کیا NIA جانچ کا مطالبہ


      وزیر اعظم مودی نے ملک کی نوجوان طاقت کی جم کر تعریف کی ۔ انہوں نے کہا کہ گزشتہ آٹھ سالوں میں ہندوستان نے جو بلندی حاصل کی ہے ، وہ پہلے کوئی سوچ بھی نہیں سکتا تھا ۔ آج دنیا میں ہندوستان کی آن بان شان بڑھی ہے، عالمی پلیٹ فارموں پر ہمارے ہندوستان کی طاقت بڑھی ہے ، مجھے خوشی ہے کہ ہندوستان کے اس سفر کی قیادت نوجوان طاقت کررہی ہے ۔

      وزیر اعظم مودی نے کورونا دور کا تذکرہ کرتے ہوئے کہا کہ نگیٹیویٹی کے اس ماحول میں ہندوستان نے اپنی صلاحیت پر بھروسہ کیا ، ہم نے اپنے سائنسدانوں، ڈاکٹروں ، اپنے نوجوانوں پر بھروسہ کیا اور ہم دنیا کیلئے تشویش نہیں بلکہ امید کی کرن بن کر نکلے ۔ ہم پریشانی نہیں بنے بالکہ ہم حل دینے والے بنے ۔
      Published by:Imtiyaz Saqibe
      First published: