آج ملک دیکھ رہا ہے، ایک اکیلا کتنوں پر بھاری پڑ رہا، وزیراعظم مودی کا اپوزیشن کو جواب

نئی دہلی : وزیراعظم نریندر مودی نے راجیہ سبھا میں اپنے خطاب کے آخر میں ہنگامہ اور نعرے بازی کررہے اپوزیشن اراکین پر نشانہ سادھا ۔ انہوں نے اپوزیشن بینچ کی طرف دیکھ کر اپنا سینہ ٹھوکا اور کہا کہ آج ملک دیکھ رہا ہے کہ ایک اکیلا کتنوں پر بھاری پڑ رہا ہے ۔ میں ملک کیلئے جیتا ہوں، ملک کیلئے کچھ کرنے کو نکلا ہوں ۔ وزیراعظم نریندر مودی پارلیمنٹ کے بجٹ سیشن کے دوران جمعرات کو راجیہ سبھا میں صدر کے خطاب پر شکریہ کی تحریک کا جواب دے رہے تھے۔

#WATCH | Nation is watching how an individual is strongly facing many. They (Opposition parties) don't have enough slogans and have to change their slogans. I am living for the country...: PM Modi in Rajya Sabha pic.twitter.com/bfzzQyhSNm

— ANI (@ANI) February 9, 2023

وزیراعظم مودی نے راجیہ سبھا میں کہا کہ کیرالہ میں جب لیفٹ سرکار منتخب ہوئی تو اس کو پنڈت نہرو پسند نہیں کرتے تھے اور وہ سرکار کچھ دنوں میں گر گئی ۔ تمل ناڈو میں بھی ایم جی آر اور کروناندھی جیسے لیجنڈوں کی کئی سرکاروں کو کانگریس نے گرایا ۔ کانگریس نے ہی این ٹی آر کی سرکار کو گرایا تھا ۔ راج بھونوں کو کانگریس کا دفتر بنادیا گیا تھا ۔

وزیراعظم مودی نے کہا کہ جو لوگ آج اپوزیشن میں بیٹھے ہیں، انہوں نے ریاستوں کے حقوق کی دھجیاں اڑا دی تھیں ۔ میں کچا چٹھا کھولنا چاہتا ہوں ۔ وہ لوگ کون تھے، جنہوں نے آرٹیکل 356 کا غلط استعمال کیا ۔

یہ بھی پڑھئے: زلزلہ آنےکے گھنٹے میں ہی پی ایم مودی نےکرلیاتھامدد کامنصوبہ، پھر ایسے شروع ہوا آپریشن دوست

یہ بھی پڑھئے: ’مسلم خواتین کے مساجد میں داخلہ کی کوئی ممانعت نہیں‘ آل انڈیا مسلم پرسنل لا بورڈ کا موقف

وزیراعظم مودی نے مزید کہا کہ وہ لوگ کون ہیں، جنہوں نے یہ کیا اور منتخب سرکاروں کو گرادیا ۔ ایک وزیراعظم نے آرٹیکل 356 کا 50 پر تجربہ کیا، وہ نام اندرا گاندھی ہیں ۔