آج ڈیرہ بیاس آئیں گے پی ایم مودی، پنجاب میں بڑھائی گئی سیکورٹی، کسانوں نے کیا احتجاج کا اعلان

وزیراعظم نریندرمودی، ڈیرہ بیاس کے بابا گوریندر سنگھ سے ملاقات کریں گے۔ اس دوران ان کے دورے کو لے کر ریاست بھر میں سیکورٹی انتظامات چاق و چوبند کردیے گئے ہیں۔ کسان لیڈروں کی مخالفت کو دیکھتے ہوئے ڈیرہ بیاس اور اس سے ملحقہ علاقوں میں اضافی پولیس نفری تعینات کی گئی ہے۔

گزشتہ مرتبہ وزیراعظم نریندر مودی کی سیکورٹی میں چوک ہونے پر پنجاب حکومت سوالوں کے گھیرے میں آگئی تھی۔ لہٰذا اس مرتبہ ان کی سیکورٹی میں کسی بھی طرح کی ڈھیل نہیں برتی جارہی ہے۔ ڈیرہ بیاس کے بعد وہ ہماچل پردیش کے سندر نگر اور سولن میں انتخابی ریلیوں سے خطاب کریں گے۔ پی ایم مودی کی سیکورٹی کا دستہ پہلے ہی جالندھر پہنچ چکا ہے۔

جمعہ کو پنجاب پولیس کے عہدیداروں نے پی ایم کے سفر کو لے کر سیکورٹی کے انتظامات کا جائزہ لیا ہے۔ پنجاب کے ڈی جی پی گورو یادو کا کہنا ہے کہ سیکورٹی انتظامات چاق و چوبند کیے جارہے ہیں۔ ڈی جی پی گورو یادو نے آئی جی بارڈر رینج کو سیکورٹی کے ضمن احکامات جاری کیے ہیں۔

یہ بھی پڑھیں:
پنجاب: شیوسینا لیڈر سدھیر سوری کا گولی مار کر قتل، شوٹر سندیپ سنگھ گرفتار

مدھیہ پردیش کےمدارس میں راشن گھوٹالےکامعاملہ،مقامی اخباروافسران کےخلاف کاروائی کاکیامطالبہ

یہ بھی پڑھیں:
سادھوی پرگیہ کی تجویز پربھوپال نگر نگم نے راجدھانی کے تین مقامات کے نام کو کیا تبدیل

CNG-PNG Price Hike: عام آدمی کو لگا بڑا جھٹکا! مہانگر گیس لمیٹڈ نے بڑھائی گیس کی قیمتیں

کسان آج وزیراعظم مودی کا جلائیں گے علامتی پُتلا
دوسری جانب، کسان لیڈروں نے پی ایم مودی کا پُتلا پھونکنے اور مظاہرہ کرنے کا اعلان کیا ہے۔ کسان مزدور سنگھرش کمیٹی کے لیڈر سرون سنگھ پنڈھیر نے گولڈن گیٹ سمیت کئی مقامات پر پُتلا پھونکنے کی بات جمعہ کو جاری ایک ویڈیو میں کہی ہے۔ کسان لیڈر نے ڈیرا مُکھی سے بھی پی ایم مودی سے نہیں ملنے کی اپیل کی ہے۔