ممبئی: شہریت ترمیمی قانون مخالف مظاہروں پر بات کرنا پڑ امہنگا۔ شاعر کو کیب ڈرائیور نے پہنچایا پولیس اسٹیشن

شاعربپادتیہ سرکار بدھ کے روز ایک اوبر کیب میں جوہو سے کرلہ واپس جا رہے تھے ۔اس دوران انہوں نے ایک دوست کو فون کرتے ہو ئے ملک بھر میں شہریت ترمیمی قانون (سی اے اے) کے خلاف جاری مظاہروں پر تبادلہ خیال کیا۔ تاہم ، انہیں اس بات کا انداز بھی تھا کہ کیب ڈرائیور نہ صرف شاعربپادتیہ سرکار کی گفتگو کو سن رہا تھا بلکہ اس پر اپنا رد عمل بھی ظاہر کررہا تھا۔ اور اس مسافر کو منزل مقصود تک لے جانے کے بجائے اس شاعر کو سینٹاکروز پولیس اسٹیشن لے گیاہے۔

آل انڈیا پروگریسو ویمن ایسوسی ایشن کی سکریٹری کویتا کرشنن نے جمعرات کے روز اس واقعے کے بارے میں ٹویٹ کیا ۔جس شاعرو جہدکار بپادتیہ سرکار کے پیش آئے واقعہ کا ذکر کیاگیاہے۔ بتایاجارہاہے کہ اس واقعے کے بعد بپادتیہ سرکار نے ممبئی انتظامیہ سے رابطہ کرنے کی کوشش کی جو ناکا م رہی ۔

Last night, poet @Bappadittoh had a scary episode in Mumbai, at the hands of an @Uber driver and @MumbaiPolice cops (see screenshots): a glimpse of scary India under NPR NRC CAA, where every person will be incentivised to suspect & turn in others & police can harass everyone. pic.twitter.com/OOKUB58BxK

— Kavita Krishnan (@kavita_krishnan) February 6, 2020

کرشنن کے ذریعہ ٹویٹ میں شیئر کیے گئے اسکرین شاٹ کے مطابق بپادتیہ سرکاربدھ کی رات قریب ساڑھے دس بجے اوبر کی ٹیکسی میں جوہو سے کرلہ جارہے تھے۔اس دوران ، وہ دہلی کے شاہین باغ میں 'لال سلام' کے نعرے کے بعد پیدا شدہ حالات کے متعلق موبائل فون پر اپنے دوست سے گفتگو کر رہے تھے۔ یہ بات چیت سن کر ڈرائیور نے ٹیکسی روک دی اور بتایا کہ اسے اے ٹی ایم سے رقم نکالنی ہے۔

چند منٹ بعد ، ڈرائیور 2 پولیس اہلکاروں کے ساتھ واپس آیا اور اس وقت مجھے احساس ہوا کہ اس نے مجھے پولیس اسٹیشن پہنچادیاہے۔بپادتیہ سرکار نے اپنے دوستوں کو بھیجے گئے پیغا م میں بتایاکہ اس موقع پر پولیس نے ان سے پو چھ تاچھ شروع کردی ۔ اور پولیس کو یہ سمجھانا پڑا کہ وہ ڈفلی (ایک ہینڈ ڈرم) لے کر جارہے ہیں کیونکہ وہ دن میں ممبئی باغ میں ہورہے احتجاجی مظاہروں میں شرکت کی تھی۔

بپادتیہ سرکار نے بتایا کہ اس موقع پر ، ڈرائیور نے مبینہ طور پر کہا ، " جناب ، براہ کرم اسے سلاخوں کے پیچھے کردوں۔یہ ملک کو آگ لگانے کی بات کررہے تھے ، یہ کہتے ہوئے کہ وہ ایک کمیونسٹ ہیں اور ممبئی میں شاہین باغ بنانے کی بات کررہے ہیں۔ میرے پاس پوری ریکارڈنگ موجود ہے۔بپادتیہ سرکار نے پولیس اہلکاروں سے کہا کہ وہ ریکارڈنگ کو سنیں اور انہیں گرفتار کرلیں ۔ انہوں نے کہا کہ میں نے ملک ک آگ لگانے کی بات نہیں کی ہے۔ اگر کو ملک مخالف یا ملک سے دشمنی ظاہرکرنے والے الفاظ ملیں تو مجھے گرفتار کرلیجئے۔انہوں نے اوبر ڈرائیور سے یہ بھی پوچھا کہ انہوں نے کیا جرم کیا ہے۔

جس پر ڈرائیور نے جواب دیا۔ ' تم دیش کو جلا نے کی بات کریں اور ہم کیا دیکھے رہیں گے؟ مین تمہیں کہیں اور لے جا سکتا تھا آپ ، شکرادا کریں کہ میں ، آپ کو پولیس اسٹیشن لایا ہوں ۔بپادتیہ سرکار کا کہناہے کہ اس وقت وہ بے چین ہوگئے اور ان پر خوف طاری ہوگیا۔ پولیس نے بپادتیہ سرکار کو بیان درج کروانے کے بعد بالآخر رہا کردیا۔ تاہم پولیس نے انہیں مشورہ دیا کہ سرخ سکارف نہ پہنیں اور ڈفلی بھی اپنے ساتھ نہ رکھیں ۔

This is concerning. We'd like to address this on priority. Kindly share the registered details from which the trip was requested via Direct Message. A member from our safety team will get in touch with you at the earliest.

— Uber India Support (@UberINSupport) February 6, 2020
کرشنن کے ذریعے ٹویٹ کیے گئے بیان کے مطابق ، پولیس نے بپادتیہ کو مشورہ دیا کہ وہ 'ڈفل' نہ پہنیں یا سرخ رنگ کا اسکارف نہ پہنے 'کیونکہ ماحول خراب ہے اور کچھ بھی ہوسکتا ہے۔' کوویتا کرشنن نے ممبئی پولیس اور اوبر کو بھی ٹیگ کیا۔ اس کے ٹویٹ کے جواب میں ، پولیس نے کہا کہ وہ اس کیس کے بارے میں تفصیلات فراہم کریں گے۔ ٹویٹر ہینڈل 'اوبر انڈیا سپورٹ' نے کہا کہ واقعہ 'تشویشناک' ہے۔ ہم اس کو ترجیحی بنیادوں پر حل کرنا چاہیں گے۔ براہ کرم رجسٹرڈ تفصیلات شیئر کریں جہاں سے وزٹ کی درخواست کی گئی تھی۔