ممبئی پولیس نے شینا بورا قتل معاملہ میں راہل سے کی پوچھ گچھ

ممبئی پولیس نے اسٹار انڈیا کے سابق چیف ایگزیکٹو آفیسر پیٹر مکھرجی کے بیٹے راہل مکھرجی سے شینا بورا کے قتل کیس میں پوچھ گچھ کی ہے۔

Aug 27, 2015 12:37 PM IST | Updated on: Aug 27, 2015 12:38 PM IST
ممبئی پولیس نے شینا بورا قتل معاملہ میں راہل سے کی پوچھ گچھ

ممبئی۔ ممبئی پولیس نے اسٹار انڈیا کے سابق چیف ایگزیکٹو آفیسر پیٹر مکھرجی کے بیٹے راہل مکھرجی سے شینا بورا کے قتل کیس میں پوچھ گچھ کی ہے۔

ذرائع نے بتایا کہ کھار پولیس نے کل رات مسٹر راہل مکھرجی کو اس سلسلے میں بلایا تھا اور وہ تقریبا سوا دس بجے تھانے پہنچے تھے۔ انکوائری افسر نے ان سے اس سلسلے میں ڈیڑھ گھنٹے تک پوچھ گچھ کی۔ یہ سمجھا جا رہا ہے کہ پولیس نے ان سےشینا کے ساتھ تعلقات کے بارے میں پوچھ گچھ کی۔

Loading...

مسٹر راہل مکھرجی نے پولیس کو بتایا کہ وہ اکثر شینا سے رابطہ کرنے کی کوشش کرتے تھے۔ ایک بار ان کے موبائل پر شینا کا پیغام ملا کہ وہ رشتہ ختم کر رہی ہے اور وہ کبھی ملنا نہیں چاہتی۔ انہوں نے کہا کہ اس کے باوجود انہوں نے رابطہ کرنے کی کوشش کی لیکن شینا کا موبائل بند تھا۔

ذرائع نے بتایا کہ راہل نے پولیس کے کئی سوالوں کا جواب نہیں دیا۔ انہوں نے کہا کہ پولیس مسٹر پیٹر مکھرجی سے اس سلسلے میں آج پوچھ گچھ کر سکتی ہے۔ پولیس نے مسز اندرانی مکھرجی کے پہلے شوہر سنجیو کھنہ کو اس معاملے میں کل کولکتہ سے گرفتار کیا تھا۔ اس پراسرار قتل کے سلسلے میں اب تک اندراني، سنجیو کھنہ اور شیام منوہر رائے کو گرفتار کیا جا چکا ہے۔

Loading...