ہوم » نیوز » وطن نامہ

گوڈسےکےتعلق سے متنازعہ بیان کامعاملہ:سادھوی پرگیہ سنگھ ٹھاکر نےمانگی معافی

گوڈسےکودیش بھکت کہنےپرآج لوک سبھامیں سادھوی پرگیہ ٹھاکرنےمعافی مانگ لی ہے۔

  • Share this:
گوڈسےکےتعلق سے متنازعہ بیان کامعاملہ:سادھوی پرگیہ سنگھ ٹھاکر نےمانگی معافی
سادھوی پرگیہ سنگھ ٹھاکر نےمانگی معافی۔(تصویر:نیوز18)۔

گوڈسےکودیش بھکت کہنےپرآج لوک سبھامیں سادھوی پرگیہ ٹھاکرنےمعافی مانگ لی ہے۔اپنے بیان پرصفائی دیتے ہوئے سادھوینے کہاکہ انکےبیان کوتوڑمروڑکرپیش کیاگیاہے۔

سادھوی نےپارلیمنٹ میں کہاکہ وہ گاندھی جی کارناموں کااحترام کرتی ہیں۔بی جے پی رکن پارلیمنٹ پرگیہ سنگھ ٹھاکر نے مہاتما گاندھی کے قاتل نتھوورام گوڈسے کو محب وطن کہاتھاجس کے بعد گذشتہ دو دن سے انکے اس بیان پر پارلیمنٹ میں ہنگامہ برپا ہے۔ ایوان میں پرگیہ سنگھ ٹھاکراپنے بیان پرمعذرت کرتے ہوئے، پرگیہ ٹھاکر نے کانگریس لیڈر راہول گاندھی کوتنقید کا نشانہ بنایاہے۔ انہوں نے کہا ، 'ایوان کے ایک معزز لیڈر نے مجھے دہشت گرد کہا۔ مجھ پر کوئی الزام ثابت نہیں ہوا، لیکن ایسی بات کہنا عورت،راہب اورایک ممبرپارلیمنٹ کی توہین ہے۔

ہم آپ کوبتادیں کہ راہول گاندھی نے پرگیہ ٹھاکر کے بیان کے جواب میں ٹویٹ کیا تھا- 'دہشت گرد پرگیہ نے دہشت گرد گوڈسے کو محب وطن قراردیا، یہ ہندوستان کی پارلیمنٹ کی تاریخ کا افسوسناک دن ہے'۔ تاہم ، آج ایوان میں پرگیہ ٹھاکرکے اعتراض پر ، راہول گاندھی نے کہا کہ وہ اپنے بیان پر قائم ہیں۔ نیوز18 سے بات کرتے ہوئے کیرالہ کے واناڈ سے رکن پارلیمنٹ راہول گاندھی نے کہا ، "میں نے جو کہا ہے وہ ٹھیک ہے اور میں اپنے بیان پر قائم ہوں۔"


 


بی جے پی کے ممبر پارلیمنٹ نے دیا یہ جواب پرگیہ ٹھاکرکودہشت گرد قراردیتے ہوئے بی جے پی کے رکن پارلیمنٹ نشیکنت دوبے نے کانگریس کے رکن اسمبلی راہل گاندھی کے خلاف استحقاق کی تحریک کا مطالبہ کیا۔ انہوں نے کہا کہ عورت کے لئے دہشت گردی کا لفظ استعمال کرنا قابل مذمت ہے۔  



First published: Nov 29, 2019 03:29 PM IST
corona virus btn
corona virus btn
Loading