ہوم » نیوز » شمالی ہندوستان

کسان آندولن : وزیر اعلی امریندر سنگھ کی کسانوں سے اپیل ، موبائل ٹاوروں کو نہ پہنچائیں نقصان ، ڈسپلن میں رہیں

Kisaan Andolan: خبریں آرہی تھی کہ نئے زرعی قوانین (New Farm Laws) کے خلاف مظاہرہ کررہے کسانوں نے پنجاب کے کئی حصوں میں موبائل ٹاور کی بجلی متاثر کی تھی ۔ وزیر اعلی نے کسانوں سے عوام کو پریشانی نہیں پہنچانے کی اپیل کی ہے ۔

  • Share this:
کسان آندولن : وزیر اعلی امریندر سنگھ کی کسانوں سے اپیل ، موبائل ٹاوروں کو نہ پہنچائیں نقصان ، ڈسپلن میں رہیں
کسان آندولن : وزیر اعلی امریندر سنگھ کی کسانوں سے اپیل ، موبائل ٹاوروں کو نہ پہنچائیں نقصان ، ڈسپلن میں رہیں

پنجاب کے وزیر اعلی کیپٹن امریندر سنگھ  (Captain Amarinder Singh) نے جمعہ کو مظاہرہ کررہے کسانوں سے موبائل ٹاور (Mobile Tower)  کو نقصان نہیں پہنچانے کی اپیل کی ہے ۔ خبریں آرہی تھی کہ نئے زرعی قوانین کے خلاف مظاہرہ کررہے کسانوں نے پنجاب کے کئی حصوں میں موبائل ٹاور کی بجلی متاثر کی تھی ۔ وزیر اعلی نے کسانوں سے عوام کو پریشانی نہیں پہنچانے کی اپیل کی ہے ۔ اس دوران وزیر اعلی نے ریاست میں زراعتی شعبہ پر پڑنے والے منفی اثر کا حوالہ دیا ہے ۔ دہلی کی سرحد پر گزشتہ تقریبا ایک مہینے سے کسانوں کا مظاہرہ جاری ہے ۔


پنجاب میں موبائل ٹاوروں کی بجلی کو متاثر کرنے کی خبروں کے درمیان وزیر اعلی کیپٹن امریندر سنگھ نے کسانوں سے پرامن رہنے کی اپیل کی ہے ۔ انہوں نے اس بات پر زور دیا کہ کورونا وائرس وبا کے درمیان ٹیلی مواصلات رابطہ انتہائی ضروری ہوگیا ہے ۔ اس کے علاوہ انہوں نے کسانوں سے دہلی کی سرحدوں پر جاری مظاہرہ کے درمیان ڈسپلن میں رہنے کی بات بھی کہی ہے ۔


انہوں نے کسانوں سے کہا کہ کسان زبردستی ٹیلی کام کنیکٹیویٹی کو کاٹ کر یا ملازمین پر دباو ڈال کر قانون کو اپنے ہاتھ میں نہ لیں ۔ اس کے علاوہ انہوں نے کہا کہ اس طرح کے کام پنجاب کے مفاد میں نہیں ہیں ۔ وزیر اعلی نے کہا کہ پنجاب کے لوگ کالے قوانین کے خلاف لڑائی میں کسانوں کے ساتھ کھڑے ہیں اور آگے بھی کھڑے رہیں گے ۔ انہوں نے کسانوں سے درخواست کی کہ طے کریں کہ انصاف کی لڑائی میں ریاست کے عوام کو کسی طرح کی پریشانی نہ ہو ۔


وزیر اعلی نے کہا کہ زبردستی ٹیلی کام سروسز کو متاثر کرنا طلبہ کی پڑھائی ہی نہیں ، بلکہ وبا کی وجہ سے گھر سے ہی کام کر رہے لوگوں کی زندگی کو بھی متاثر کررہا ہے ۔ انہوں نے کہا کہ پہلے ہی بگڑی ہوئی معیشت کا سامنا کر رہی ریاست میں ٹیلی کام سروسیز کا متاثر ہونا برا اثر ڈالے گا ۔
Published by: Imtiyaz Saqibe
First published: Dec 25, 2020 06:56 PM IST