Punjab Election Results 2022: کانگریس نے مانی ہار، سدھو بولے- عوام کی آواز، رب کی آواز، AAP کو مبارکباد

نئی دہلی: پنجاب اسمبلی انتخابات (Punjab Assembly Elections 2022) کے نتائج کے رجحانات میں عام آدمی پارٹی کو ملی زبردست اکثریت کے بعد کانگریس نے اپنی شکست تسلیم کرلی ہے۔ پنجاب کانگریس کے صدر نوجوت سنگھ سدھو نے عوامی طور پر شکست مانتے ہوئے کہا کہ عوام کی آواز، بھگوان (خدا) کی آواز ہے۔ ساتھ ہی انہوں نے عام آدمی پارٹی کو مبارکباد بھی دی۔

پنجاب کانگریس (Punjab Congress) کے صدر نوجوت سنگھ نے ٹوئٹر پر لکھا، ’عوام کی آواز، بھگوان (خدا) کی آواز ہے… پنجاب کے لوگوں کے مینڈیٹ کو سرخم تسلیم کرتے ہیں… عام آدمی پارٹی کو مبارکباد!!!

The voice of the people is the voice of God …. Humbly accept the mandate of the people of Punjab …. Congratulations to Aap !!!

— Navjot Singh Sidhu (@sherryontopp) March 10, 2022

واضح رہے کہ نوجوت سنگھ سدھو امرتسر مشرقی سیٹ سے خود بھی بہت پیچھے چل رہے ہیں۔ عام آدمی پارٹی پنجاب کی 117 میں سے 91 سیٹوں پر آگے چل رہی ہے۔ دوسری جانب، کانگریس کے پنجاب انچارج ہریش چودھری نے بھی شکست تسلیم کرلی ہے۔