اپنا ضلع منتخب کریں۔

    گینگسٹر گولڈی براڑ کے سر پر دو کروڑ کا انعام رکھنے کی اٹھی مانگ، موسے والا کے والد نے کہا: میں زمین بیچ کر دوں گا پیسہ

    گینگسٹر گولڈی براڑ کے سر پر دو کروڑ کا انعام رکھنے کی اٹھی مانگ، موسے والا کے والد نے کہا: میں زمین بیچ کر دوں گا پیسہ ۔ تصویر: ANI

    گینگسٹر گولڈی براڑ کے سر پر دو کروڑ کا انعام رکھنے کی اٹھی مانگ، موسے والا کے والد نے کہا: میں زمین بیچ کر دوں گا پیسہ ۔ تصویر: ANI

    Sidhu Moose Wala Murder Case: آنجہانی پنجابی سنگر سدھو موسے والا کے والد بلکور سنگھ نے سرکار سے اپنے بیٹے کے قتل کے ماسٹرمائنڈ گولڈی براڑ کو پکڑنے والے کو دو کروڑ روپے کا انعام دینے کی مانگ کی ہے ۔

    • News18 Urdu
    • Last Updated :
    • Punjab | Amritsar
    • Share this:
      چنڈی گڑھ : آنجہانی پنجابی سنگر سدھو موسے والا کے والد بلکور سنگھ نے سرکار سے اپنے بیٹے کے قتل کے ماسٹرمائنڈ گولڈی براڑ کو پکڑنے والے کو دو کروڑ روپے کا انعام دینے کی مانگ کی ہے ۔ انہوں نے کہا کہ سرکار کو اس انعام کا اعلان کرنا چاہئے ۔ اگر سرکار انعام نہیں اعلان کرسکتی ہے تو میں اپنی زمین بیچ کر انعام کا پیسہ دینے کیلئے تیار ہوں ۔ آج جمعرات کو وہ امرتسر جمعرات صاحب میں سنگت کو خطاب کررہے تھے ۔ انہوں نے کہا کہ ان کا بیٹا ایک سال میں سرکار کو دو کروڑ روپے کا ٹیکس ادا کرتا تھا، آج سرکار سدھو کے قتل کے ماسٹرمائنڈ گولڈی براڑ کے سر پر انعام رکھنے کیلئے تیار نہیں ہے ۔

      سدھو موسے والا کے والد نے کہا کہ سرکار ایک مرتبہ قاتل کے سر پر انعام رکھنے سے انکار کردے، میں وعدہ کرتا ہوں کہ اپنی زمین فروخت کرکے انعام کا پیسہ دوں گا ۔ بلکور سنگھ نے کہا کہ آج جیلوں میں بند لارینس جیسے خطرناک گینگسٹروں پر سرکار عوام کا پیسہ خرچ کررہی ہے ۔ انہیں کہیں پیشی کیلئے لے جایا جاتا ہے تو سخت سیکورٹی فراہم کی جاتی ہے، یہ سرکاری پیسے کا غلط استعمال ہے ۔

      یہ بھی پڑھئے: جھارکھنڈ ہائی کورٹ کا فیصلہ: 15سال کی مسلم لڑکی اپنی پسند کے لڑکے سے شادی کرنے کو ہے آزاد


      یہ بھی پڑھئے: زیادہ سود نہیں وصول پائیں گے ڈیجیٹل پلیٹ فارم، آربی آئی کے ترمیمی گائیڈلائنس آج سے لاگو


      سدھو کے والد نے کہا کہ بھلے ہی سرکار میری سیکورٹی واپس لے لے ، لیکن گولڈی براڑ کے سر پر انعام رکھ کر اس کو گرفتار کرے ۔ انہوں نے کہا کہ حال ہی میں آسٹریلیا سرکار نے وہاں ہوئے ایک قتل کے معاملہ میں ملزم پر پانچ کروڑ روپے کا انعام رکھا تھا، جس کے بعد اس کو دہلی سے گرفتار کیا گیا ۔ انہوں نے کہا کہ آسٹریلیا پولیس ایسا کرسکتی ہے، تو یہاں کی سرکار ایسا کیوں نہیں کرسکتی ۔

      بلکور سنگھ نے گینگسٹروں کے تئیں سرکار کے رویہ پر عدم اطمینان کا اظہار کیا ہے ۔ انہوں نے کہا کہ سرکار اگر گینگسٹروں کے ساتھ سختی سے پیش نہیں آئے گی تو سلیبریٹی ایسے ہی سڑکوں پر جانوروں کی طرح مارے جاتے رہیں گے ۔ اب دیکھنے والی بات ہوگی کہ بلکور سنگھ کی اس مانگ کو سرکار مانتی ہے یا نہیں ۔
      Published by:Imtiyaz Saqibe
      First published: