آج سے ٹریک پر دوڑے گی راجستھان کی پہلی وندے بھارت ایکسپریس، پی ایم مودی دکھائیں گے ہری جھنڈی

وزیراعظم نریندر مودی آج ورچول طریقے سے راجستھان کی پہلی وندے بھارت ایکسپریس ٹرین کو ہری جھنڈی دکھاکر روانہ کریں گے۔ اس دوران ریلوے، مواصلات، الیکٹرانکس اور انفارمیشن ٹیکنالوجی کے وزیر اشونی وشنو بھی جے پور میں موجود رہیں گے۔ یہ ٹرین 13 اپریل 2023 سے باقاعدہ سروس شروع کرے گی اور راجستھان میں اجمیر اور دہلی کینٹ کے درمیان جے پور، الور اور گڑگاؤں کے راستے چلے گی۔

شمال مغربی ریلوے کے چیف پبلک ریلیشن آفیسر کیپٹن ششی کرن کےمطابق، 12 اپریل کو گاڑی نمبر 09617، جئے پور دہلی کینٹ وندے بھارت افتتاحی اسپیشل ریل سروس جئے پور سے 11 بجے روانہ ہو کر 16.00 بجے دہلی کینٹ پہنچے گی۔ افتتاحی اسپیشل ریل سروس راستے میں گاندھی نگر جے پور، بسسی، دوسہ، باندی کوئی، الور، کھیرتھل، ریواڑی، پٹودی روڈ، گڑھی ہرسرو، اور گڑگاوں اسٹیشنوں پر رُکے گی۔

یہ بھی پڑھیں:

گورکھپور کے بینک روڈ پر لگی بھیانک آگ، خالی کرائے جارہے ہیں مکان، دھماکوں سے گھبرائے لوگ

13 اپریل سے اجمیر-دہلی کینٹ کا مقرر سفر ہوگا شروع

اجمیر دہلی کینٹ-اجمیر وندے بھارت ریل سروس کا باقاعدہ آپریشن 13 اپریل سے کیا جائے گا۔ گاڑی نمبر 20977، اجمیر-دہلی کینٹ وندے بھارت سوپر فاسٹ ایکسپریس ریل سروس 13 اپریل سے ہفتہ میں چھ دن (بدھ کا دن چھوڑ کر) اجمیر سے 06.20 بجے روانہ ہو کر جئے پور 07.50 بجے پہنچے گی اور 07.55 بجے نکلے گی۔ پھر یہ 09.35 پر الور پہنچے گی اور 09.37 پر روانہ ہوگی۔ اس کے بعد یہ 11.15 بجے گڑگاؤں پہنچے گی اور 11.17 بجے روانہ ہو کر 11.35 بجے دہلی کینٹ پہنچے گی۔

یہ بھی پڑھیں:

امیت شاہ کے دورے پر چینی اعتراض کا ہندوستان نے دیا کرارا جواب، کہا-’اروناچل کی حقیقت نہیں بدل جائے گی۔۔۔‘

اسی طرح ٹرین نمبر 20978، دہلی کینٹ-اجمیر وندے بھارت سوپر فاسٹ ایکسپریس ٹرین سروس دہلی کینٹ سے 13 اپریل سے ہفتے میں چھ دن (بدھ کے علاوہ) 18.40 بجے روانہ ہوگی، 18.51 بجے گڑگاؤں پہنچے گی اور 18.53 بجے روانہ ہوگی۔ پھر الور 20.17 بجے پہنچے گی اور 20.19 بجےروانہ ہوگی۔ اس کے بعد جئے پور 22.05 بجے پہنچے گی اور 22.10 بجے روانہ ہو کر 23.55 بجے اجمیر پہنچے گی۔ اس ٹرین سروس میں کل 16 بوگیاں ہوں گی جن میں 12 ایئر کنڈیشنڈ چیئر کاریں، دو ایئر کنڈیشنڈ ایگزیکٹو چیئر کاریں اور دو ڈرائیونگ کار کلاس کوچز شامل ہیں۔