உங்கள் மாவட்டத்தைத் தேர்வுசெய்க

    United Nations:یواین میں ہندوستان کی پہلی مستقل خاتون مندوب روچیرا کمبوج نے سنبھالا کام، بھوٹان میں تھیں تعینات

    روچیرا کمبوج۔Ruchira Kamboj

    روچیرا کمبوج۔Ruchira Kamboj

    United Nations: کمبوج نے پیر کو ٹویٹ کیا تھا کہ وہ اقوام متحدہ میں ہندوستان کے نامزد مستقل نمائندے کے طور پر ابھی نیویارک پہنچی ہیں۔ آج سلامتی کونسل میں اپنے تمام ساتھی سفیروں سے مل کر بہت اچھا لگا۔

    • Share this:
      United Nations:مندوب روچیرا کمبوج (Ruchira Kamboj) نے اقوام متحدہ میں ہندوستان کی مستقل نمائندہ کے طو رپر کام سنبھال لیا ہے۔ روچیرا نیویارک میں واقع ہیڈکوارٹر میں ہندوستان کی پہلی خاتون مندوب ہوں گی۔ انہوں نے اقوام متحدہ میں ہندوستان کے موجودہ مستقل نمائندہ ٹی ایس ترومورتی کی جگہ لی ہے۔ روچیرا کمبوج ہندوستانی بیرونی خدمات (آئی ایف ایس) کی 1987 بیچ کی افسر رہی ہیں۔

      روچیرا بھوٹان میں ہندوستان کی پہلی خاتون سفیر تھیں
      اس سے قبل، روچیرا بھوٹان میں ہندوستان کی سفیر کے طور پر خدمات انجام دے رہی تھیں۔ اس کے علاوہ کمبوج نے جنوبی افریقہ میں ہندوستان کے ہائی کمشنر اور یونیسکو میں ہندوستان کے سفیر/مستقل نمائندے کے طور پر خدمات انجام دیں۔ روچیرا بھوٹان میں ہندوستان کی پہلی خاتون سفیر تھیں۔
      اقوام متحدہ کی سلامتی کونسل (UNSC) میں ہندوستان کی میعاد اس سال دسمبر میں ختم ہوگی جب ملک اس ماہ کے لیے اقوام متحدہ کی طاقتور تنظیم کے صدر کی حیثیت سے بھی صدارت کرے گا۔ کمبوج اس سے قبل 2002-2005 تک نیویارک میں اقوام متحدہ میں ہندوستان کے مستقل مشن میں مشیر کے طور پر بھی کام کیا تھا۔

      یہ بھی پڑھیں:

      MP News: اپنی پسند کے مجاہدین آزادی کی گھر گھرمیں تصویر لگانے کو لے کر شروع ہوگی مہم

      یہ بھی پڑھیں:
      Big News: پاکستان سے آئی بیماری نے باڑمیر میں مچائی تباہی ، دو ماہ میں 729 گایوں کی موت

      ٹوئٹ کرکے کیا اظہار تشکر
      کمبوج نے پیر کو ٹویٹ کیا تھا کہ وہ اقوام متحدہ میں ہندوستان کے نامزد مستقل نمائندے کے طور پر ابھی نیویارک پہنچی ہیں۔ آج سلامتی کونسل میں اپنے تمام ساتھی سفیروں سے مل کر بہت اچھا لگا۔ اس نئی پوسٹ کے ذریعے اپنے ملک کی خدمت کرنا میرے لیے بڑے اعزاز کی بات ہے۔

      سابق سفیر ٹی ایس ترومورتی نے ان کے ٹویٹ کا جواب دیتے ہوئے لکھا، ’مبارک ہو اور نیک خواہشات آپ کی کامیابی کے لیے روچیرا!‘
      Published by:Shaik Khaleel Farhaad
      First published: