LPG Cylinder:مہنگے ہوئے بڑے سلینڈر تو چھوٹے سلینڈروں کے بڑھی فروخت،آگرہ میں فروخت 30 فیصد تک بڑھی

LPG Cylinder:گیس کے بڑے سلنڈر مہنگے ہونے کے باعث 5 کلو کے چھوٹے سلنڈر کی فروخت میں 30 فیصد اضافہ ہوا ہے۔ خاص طور پر اس کا استعمال طلباء، چھوٹے دکاندار، اسٹالز، کھانے پینے کی اشیاء بیچنے والے زیادہ کرتے ہیں۔

آل انڈین گیس ڈسٹری بیوٹرز ایسوسی ایشن کے آگرہ ڈویژنل صدر وپل پروہت نے کہا کہ 14.2 کلو گھریلو سلنڈر کی قیمت 1065.50 روپے ہے اور 19 کلو کمرشل سلنڈر کی قیمت 2026 روپے ہے۔ پانچ کلو گھریلو سلنڈر کی قیمت 392 روپے ہے اور ایف ٹی ایل (فری ٹریڈ ایل پی جی) کی قیمت 577.50 روپے ہے۔ اب ایف ٹی ایل سلنڈر ہر ماہ 5000 سے 5500 تک فروخت ہو رہے ہیں۔

گزشتہ ماہ جون تک ان کی تعداد چار ہزار تک تھی۔ انہیں خریدنے والوں میں چائے، انڈے بیچنے والے، فاسٹ فوڈ بیچنے والے، ویلڈنگ کا کام کرنے والے لوگ اور دیگر چھوٹی ملازمتیں شامل ہیں۔ گھریلو سلنڈر کی کھپت 2500 سے 3000 ماہانہ ہے۔ گزشتہ جون تک 2000-2200 فروخت ہو رہے تھے۔ اس میں طلباء، نوکری کرنے والے بیچلرس سمیت مالی طور پر کمزور خاندان بھی استعمال کر رہے ہیں۔

یہ بھی پڑھیں:

MP News: اوشا ٹھاکر کے ذریعہ مدارس کو لیکر دیئے گئے بیان پر مدھیہ پردیش میں سیاسی گھمسان

یہ بھی پڑھیں:
PIL to Revadis: اس عرضی کے بعد'ریوڑی کلچر' پر چھڑی بحث،گجرات انتخابات سے قبل گرمایا معاملہ

آسانی سے دستیابی سے فروخت میں اضافہ
آگرہ ایل پی جی گیس ڈسٹری بیوٹرز ایسوسی ایشن کے صدر سنتوش سیکروار نے بتایا کہ 19 کلو کے سلنڈر کی قیمت 106.63 روپے اور گھریلو 14.2 کلوگرام سلنڈر کی قیمت 75 روپے فی کلو ہے۔ چھوٹے سلنڈروں کی قیمت 116 روپے ہے اور گھریلو پانچ کلو کے سلنڈر کی قیمت 78 روپے فی کلو ہے، لیکن یہ پمپ، کرانہ کی دکانوں سے بھی آسانی سے خریدے جا سکتے ہیں۔ ساتھ ہی اگر کوئی یکمشت رقم نہ ہونے پر بھی ان کی خرید آسان رہتی ہے۔