شنگھائی تعاون تنظیم کااجلاس: پاکستان کے وزیرخارجہ بلاول بھٹو زرداری کرسکتے ہیں ہندوستان کادورہ

نئی دہلی: پاکستان کے وزیر خارجہ بلاول بھٹو زرداری ، ہندوستان کے دورے پر آئیں گے۔ بلاول کا یہ دورہ اگلے ماہ 4 مئی کو ہوگا۔ 2014 میں اس وقت کے وزیراعظم نواز شریف کے بعد کسی حکمران پاکستانی رہنما کا یہ پہلا دورہ ہندوستان ہوگا۔

سرکاری ذرائع کے مطابق چین کی قیادت میں شنگھائی تعاون تنظیم (SCO) کا اجلاس 4-5 مئی کو ہندوستان میں ہوگا۔ اس تنظیم میں چین، روس، قازقستان، ازبکستان، کرغزستان اور تاجکستان شامل تھے بعد میں ہندوستان اور پاکستان بھی اس میں شامل کیاگیا۔ اس بار جب شنگھائی تعاون تنظیم کا اجلاس ہندوستان میں منعقد کرنے کا فیصلہ کیا گیا تو پاکستان نے اعتراض کیا تاہم اب اطلاعات ہیں کہ پاکستان کے وزیر خارجہ بلاول بھٹو اس اجلاس میں شرکت کریں گے۔ اس دن شنگھائی تعاون تنظیم (SCO) کے رکن ممالک کے وزرائے خارجہ کی کانفرنس منعقد ہونے والی ہے۔

یہ بھی پڑھیں :

• آبادی کے معاملے میں ہندوستان سے ملی شکست کے بعد چین کا آیا ایسا ردعمل؟


• World's Richest City: دنیا کے سب سے امیر ترین شہر کا تاج اس شہر کے نام، رہتے ہیں 58 ارب پتی- تصاویر


• طلاق ہوتے ہی خاتون نے شادی کے جوڑے کو لگا دی آگ، نہیں ہوئی غمزدہ بلکہ کرایا ایسا فوٹوشوٹ، اڑگئے سب کے ہوش


• کچھ مدد کی راہ دیکھتے رہے تو۔۔۔ کچھ کود گئے، چین کے اسپتال میں آگ لگنے کے بعد حالات بے قابو، 21 جاں بحق


• نیپال کے صدر پوڈیل کی پھر خراب ہوئی طبیعت، مہینے میں دوسری مرتبہ اسپتال میں ہوئے بھرتی


• یہاں فوجی کرتے ہیں ایسا انتظام، ساتھ نہیں رہ کر بھی حاملہ ہوجاتی ہیں بیویاں! سرکار دے رہی ہے ساتھ

پاکستانی میڈیا میں بلاول بھٹو زرداری کی ایس سی او اجلاس میں شرکت کے حوالے سے قیاس آرائیاں بھی کی جا رہی تھیں۔ بتا دیں کہ بلاول بھٹو کا شمار پاکستان کے کم عمر ترین وزراء میں ہوتا ہے۔ ان کی عمر 34 سال ہے۔ وہ پاکستان کے سابق صدر آصف علی زرداری کےفرزند ہیں۔ بلاول 21 ستمبر 1988 کو پاکستان کے شہر کراچی میں پیدا ہوئے۔ انہوں نے اپنی تعلیم بیرون ملک سے مکمل کی۔ 27 اپریل 2022 کو بلاول کو ملک کا 37 واں وزیر خارجہ مقرر کیا گیا۔ وہ جس پارٹی میں ہیں اس کا نام 'پاکستان پیپلز پارٹی' ہے۔

بلاول بھٹو زرداری اکثرہندوستان کو لیکر مختلف بیانات دیتے رہتے ہیں۔بلاول بھٹو پاکستانی سیاست میں اپنی 'ہندوستان مخالف' بیان بازی کی وجہ سے سرخیوں میں رہتے ہیں۔ وہ برسوں سے کشمیر کے بارے میں تضحیک آمیز تبصرے کر رہے ہیں۔ اقوام متحدہ میں بار بار کشمیر راگ سنا تے ہیں۔ تاہم وہاں موجود ہندوستانی نمائندے نے انہیں ہر بار مناسب زبان میں جواب دیا ہے۔