امت شاہ: فائل فوٹو۔
مرکزی وزیرداخلہ امت شاہ نے منگل کوکہا کہ حکومت دہشت گردی کے خلاف ’زیرو ٹولرینس‘ کی پالیسی پر قائم ہے اور اسی کے تحت اب اس کے خلاف فیصلہ کن لڑائی جاری ہے۔امت شاہ نے منگل کو ہریانہ کے گروگرام کے مانیسر میں نیشنل سکیورٹی گارڈ (این ایس جی)کے 35ویں یوم تاسیس پر اظہار خیال کرتے ہوئے کہاکہ دہشت گردی سب سے بڑی لعنت ہے اور ترقی کے راستے میں سب سے بڑی رکاوٹ بھی۔انہوں نے کہا کہ ہندوستان اس سے لمبے وقت سے اس کے خاتمے کےلئے لڑائی لڑرہا ہے۔حکومت دہشت گردی کے خاتمے کےلئے زیروٹولرینس کی پالیسی پر قائم ہے اور اس سے نمٹنے کےلئے وہ کوئی کثر نہیں چھوڑے گی۔
پاکستان پر دہشت گردی کو فروغ دینے کا الزام لگاتے ہوئے انہوں نے کہا کہ ہندوستان لمبے وقت سے پاکستان حمایت یافتہ دہشت گردی سے سے متاثررہا ہے۔اب حکومت نے جموں و کشمیر سے آرٹیکل 370کو ہٹا کروہاں ہمیشہ کے لئے امن قائم کرنے کی سمت میں بڑاقدم اٹھایا ہے۔انہوں نے کہا کہ این ایس جی اوردیگرسکیورٹی دستے دہشت گردی کے خلاف فیصلہ کن لڑائی لڑرہے ہیں۔امت شاہ نے کہاکہ این ایس جی کے کمانڈو کی بہادری اور ہمت کے کارنامے دیکھ کر انہیں یقین ہے کہ فیصلہ کن لڑائی میں ملک کی جیت ہوگی۔
Terrorism is a curse for any settled and decent society. It is also the biggest hurdle in the path of development. Our country was under terrorism's curse for a long time, and today, under the leadership of PM Modi, we have a zero-tolerance policy against terrorism: HM pic.twitter.com/4hTzVBichd — BJP (@BJP4India) October 15, 2019
امت شاہ نے کہا کہ وزیر داخلہ ہونے کی حیثیت سے وہ لوگوں کو یقین دلانا چاہتے ہیں کہ این ایس جی کے ناقابل شکست مہارت کی وجہ سے ملک کی اندرونی سکیورٹی پر کوئی آنچ نہیں آئےگی کیونکہ ہمارے جانباز کمانڈو کسی بھی خطرے سے نمٹنے کےلئے پوری طرح قابل ہیں۔امت شاہ نے قابل ذکر خدمات انجام دینےولاے بہادر جوانوں اور افسروں کو تمغوں سے نوازا اور دستے کے شہید جانبازوں کو خراج عقیدت پیش کیا۔اس موقع پر این ایس جی کے کمانڈو نے مختلف ہنگامی حالات میں دہشت گردوں کے خلاف اپنی مہارت کا مظاہرہ کیا۔ این ایس جی ڈائریکٹر جنرل ایس ایس دیشوال نے امت شاہ کو تحفہ میں یادگاری نشان دیا۔