உங்கள் மாவட்டத்தைத் தேர்வுசெய்க

    Sonali Phogat Death: سونالی پھوگاٹ کی موت کے تین دن بعد گوا پولیس نے درج کیا قتل کا کیس

    Sonali Phogat Death: سونالی پھوگاٹ کی موت کے تین دن بعد گوا پولیس نے درج کیا قتل کا کیس۔ تصویر کریڈٹ: سونالی فیس بک پیج ۔

    Sonali Phogat Death: سونالی پھوگاٹ کی موت کے تین دن بعد گوا پولیس نے درج کیا قتل کا کیس۔ تصویر کریڈٹ: سونالی فیس بک پیج ۔

    Sonali Phogat Death: بی جے پی لیڈر اور ٹک ٹاک اسٹار سونالی پھوگاٹ کی مشتبہ حالت میں ہوئی موت کے معاملہ میں اب گوا پولیس نے قتل کا معاملہ درج کرلیا ہے ۔ یہ کیس پولیس نے سونالی کے اہل خانہ کی شکایت پر درج کیا ہے ۔

    • News18 Urdu
    • Last Updated :
    • Goa | Haryana | Chandigarh
    • Share this:
      گوا/ چنڈی گڑھ : بی جے پی لیڈر اور ٹک ٹاک اسٹار سونالی پھوگاٹ کی مشتبہ حالت میں ہوئی موت کے معاملہ میں اب گوا پولیس نے قتل کا معاملہ درج کرلیا ہے ۔ یہ کیس پولیس نے سونالی کے اہل خانہ کی شکایت پر درج کیا ہے ۔ اس سے پہلے گوا پولیس نے غیر فطری موت کا معاملہ درج کیا تھا ، لیکن سونالی کا کنبہ لگاتار قتل کا الزام لگا رہا تھا اور اسی کی وجہ سے پولیس نے پھوگاٹ کے پی اے سدھیر سانگوان کو حراست میں بھی لیا تھا ۔ اب پولیس پوسٹ مارٹم رپورٹ کا انتظار کررہی ہے ، جس کے آنے کے بعد آگے کی کارروائی کی جائے گی ۔

       

      یہ بھی پڑھئے: سونالی پھوگاٹ کے پی اے پر بھائی نے لگائے سنگین الزام، نشہ دے کر کیا تھا بہن کا ریپ، ویڈیو بنا کرتا تھا بلیک میل


      وہیں اس سے پہلے سونالی کے کنبہ نے گوا میں ہی پوسٹ مارٹم کروانے کو لے کر رضامندی ظاہر کردی تھی ۔ پوسٹ مارٹم کی ویڈیوگرافی کرائی جائے گی ۔ ڈاکٹروں کی تین رکنی ٹیم سونالی پھوگاٹ کے لاش کی پوسٹ مارٹم کرے گی ۔ جانکاری کے مطابق حصار کے رشی نگت میں واقع شمشان گھاٹ میں سونالی پھوگاٹ کی آخری رسوم ادا کی جائے گی ۔

       

      یہ بھی پڑھئے: 6 سال پہلے ہوئی Sonali Phogat کے شوہر کی پراسرار موت، فارم ہاؤس میں ملی تھی لاش


      سونالی پھوگاٹ کی گوا میں 23 اگست کو ہارٹ اٹیک سے موت ہوگئی تھی ۔ اس وقت گوا میں اس کے ساتھ پی اے سدھیر اور سکھویندر تھا ۔ سدھیر نے منگل کی صبح آٹھ بجے سونالی کے بھائی کو فون کرکے موت کی اطلاع دی ۔ اس کے بعد اس نے فون نہیں اٹھایا ۔ سونالی کے کنبہ کا الزام ہے کہ سدھیر اور سکھویندر نے اس کا قتل کیا ہے ۔ سدھیر سونالی کی جائیداد ہڑپنا چاہتا ہے ، اس لئے اس نے سونالی کا قتل کیا ہے ۔

      بتادیں کہ اس سے پہلے سونالی کے بھائی نے پی اے سدھیر پر کئی سنگین الزامات عائد کئے تھے ۔ سونالی کے بھائی نے الزام لگایا تھا کہ سدھیر سانگوان نے ان کی بہن کو بلیک میل کرکے کئی مرتبہ آبروریزی کی ۔ اس نے کہا کہ اگر تم نے کسی کو کچھ بتایا تو میں تمہارا فلمی اور سیاسی کریئر ختم کردوں گا ، جس کے بعد سے اس نے اتنا دباو بنا دیا تھا کہ سونالی نے رشتہ داروں اور گھروالوں کے ڈر سے بات چیت کرنی کم کردی تھی ۔
      Published by:Imtiyaz Saqibe
      First published: