ناسک کی فیکٹری میں بھیانک آتشزدگی، 1 شخص کی موت، 14 افراد زخمی، بچاؤ کے کام جاری

آج بروز اتوار (1 جنوری 2023) کو مہاراشٹر کے ضلع ناسک کی ایک فیکٹری میں زبردست آگ لگ گئی ہے۔ جس میں کم از کم ایک شخص کی موت اور 14 دیگر افراد زخمی ہو گئے، جن میں سے چار کی حالت نازک بتائی گئی ہے۔ حکام نے بتایا کہ مزید دو افراد کے پھنسے ہونے کا خدشہ ہے۔ فائر ٹینڈرز موقع پر پہنچ گئے اور اعلیٰ حکام صورتحال کا جائزہ لے رہے ہیں۔ بھارتی فضائیہ کا ایک ہیلی کاپٹر بھی امدادی کارروائیوں کے لیے تعینات کر دیا گیا ہے۔

علاقہ کے مکینوں نے زور دار دھماکے کی آواز سنی اور جائے وقوعہ سے دھویں کے بڑے بادل اٹھتے دیکھے گئے۔ فیکٹری سے دھوئیں کے بڑے بادل نکلتے ہوئے ایک ویڈیو سوشل میڈیا پلیٹ فارمز پر گردش کر رہی تھی۔

ناسک کی اگت پوری تحصیل کے منڈے گاوں گاؤں میں جندل گروپ (Jindal Group) کے پولی تھین مینوفیکچرنگ یونٹ (polythene manufacturing) میں صبح تقریباً 11:30 بجے آگ بھڑک اٹھی۔ آگ کیمیکل پلانٹ کے اندر موجود بوائلر سے لگی۔ متوفی خاتون کو اسپتال لایا گیا جہاں وہ زخموں کی تاب نہ لاتے ہوئے چل بسی۔

Maharashtra | Massive fire breaks out in a factory located in Mundegaon village of Igatpuri tehsil in Nashik district

Details awaited. pic.twitter.com/jQhSHqZCX7

— ANI (@ANI) January 1, 2023

یہ بھی پڑھیں: گریٹر کیلاش 2 میں واقع نرسنگ ہوم میں لگی بھیانک آگ، دو لوگوں کی جل کر موت، 6 کو کیا ریسکیو

ناسک کے سپرنٹنڈنٹ آف پولیس شاہ جی اماپ نے کہا کہ کارکنان اور سپروائزر سمیت کل 14 افراد زخمی ہوئے ہیں۔ انہیں اسپتال میں داخل کرایا گیا ہے۔

یہ بھی پڑھیں: تمل ناڈو کے نمککل میں بڑا حادثہ، گھر میں رکھے پٹاخوں میں دھماکے سے 4کی موت، کئی زخمی

مہاراشٹر کے وزیر اعلیٰ ایکناتھ شندے (Eknath Shinde) نے حرکت میں آتے ہوئے کہا کہ زخمیوں اور اندر پھنسے لوگوں کو ہر ممکن مدد فراہم کی جا رہی ہے۔ میں ذاتی طور پر صورتحال کی نگرانی کر رہا ہوں۔ تمام قریبی اسٹیشنوں سے فائر سسٹم کو کام میں دبایا گیا ہے۔ 14 میں سے دو کی حالت نازک ہے۔