رمضان سے قبل اجتماعی مذہبی عبادت پر پابندی، نہیں ہوسکے گی تراویح کی نماز

حیدرآباد: رمضان سے قبل ایک بار پھر پابندیوں کا سلسلہ شروع ہوگیا ہے۔ تلنگانہ حکومت نے ایک نوٹیفکیشن جاری کرکے اجتماعی مذہبی عبادت پر پابندی عائد کردی ہے۔ تلنگانہ کی چندر شیکھر راو حکومت کے ذریعہ جاری کئے گئے تازہ ترین نوٹیفیکیشن سے ایک بار پھر نماز تراویح جماعت کے ساتھ نہیں ادا کی جاسکے گی۔ کے سی آر حکومت نے رمضان اور دیگر تیوہاروں کے اجتماعی طور پر منانے پر پابندی عائد کردی ہے۔

وہیں دوسری طرف تلنگانہ کے وزیر اعلیٰ کے چندر شیکھر راؤ نے ریاست میں کورونا وائرس کے واقعات میں اضافے کے باوجود کسی بھی لاک ڈاؤن کو مسترد کردیا ہے، لیکن اب حکومت نے عوامی مقامات، کام کرنے کے مقامات اور تمام عوامی نقل وحمل پر ماسک کا استعمال لازمی قرار دے دیا ہے۔