ہوم » نیوز » جنوبی ہندوستان

کرناٹک : بی جے پی کا ایس ڈی پی آئی ، پاپولر فرنٹ آف انڈیا اور دیگر تنظیموں پر پابندی کا مطالبہ

بھارتیہ جنتا پارٹی نے ایک مرتبہ پھر سوشل ڈیموکریٹک پارٹی آف انڈیا، پاپولر فرنٹ آف انڈیا اور دیگر تنظیموں پر پابندی عائد کرنے کا مطالبہ کیا ہے

  • ETV
  • Last Updated: Dec 14, 2017 10:25 PM IST
  • Share this:
  • author image
    NEWS18-Urdu
کرناٹک : بی جے پی کا ایس ڈی پی آئی ، پاپولر فرنٹ آف انڈیا اور دیگر تنظیموں پر پابندی کا مطالبہ
بھارتیہ جنتا پارٹی نے ایک مرتبہ پھر سوشل ڈیموکریٹک پارٹی آف انڈیا، پاپولر فرنٹ آف انڈیا اور دیگر تنظیموں پر پابندی عائد کرنے کا مطالبہ کیا ہے

رائچور : بھارتیہ جنتا پارٹی نے ایک مرتبہ پھر سوشل ڈیموکریٹک پارٹی آف انڈیا، پاپولر فرنٹ آف انڈیا اور دیگر تنظیموں پر پابندی عائد کرنے کا مطالبہ کیا ہے ۔ بی جے پی کرناٹک کے ریاستی جنرل سکریٹری سی ٹی روی نے کہا کہ ایس ڈی پی آئی، پی ایف آئی اور دیگر تنظیمیں فرقہ پرست تنظیمیں ہیں ۔ رائچور میں ایک پریس کانفرنس میں ریاستی جنرل سکریٹری سی ٹی روی نے اتر کنڑا ضلع کے ہوناور میں سنگھ پریوار کے کارکن پریش میستا کی موت کے پیچھے بین الاقوامی نیٹ ورک کا شبہ ظاہر کیا ۔

انہوں نے الزام لگایا کہ وزیراعلیٰ سدارمیا نے بعض فرقہ پرست تنظیموں سے خفیہ معاہدہ کیا ہوا ہے اور ریاست میں بی جے پی، سنگھ پریوار، بجرنگ دل اور وشو ہندو پریشد کے کارکنوں پر حملے ہو رہے ہیں ، لیکن ریاستی حکومت خاموش تماشائی بنی ہوئی ہے۔ سی ٹی روی نے پرنیش میستا معاملے کی کرناٹک پولیس کی بجائے این آئی اے کے ذریعے تحقیقات کرانے کا مطالبہ کیا ہے ۔

انہوں نے مطالبہ کیا کہ پریش میستا موت معاملہ کی این آئی اے کے ذریعے جانچ کرائی جائے ۔تقریبا گزشتہ چار پانچ سال کے دوران ہمارے کئی کارکنوں کا قتل کیا گیا ہے ۔جبکہ گذشتہ دو برسوں کے دوران 20کارکنوں کا قتل کیا گیا ہے ۔ پریش میستا کی موت قتل کے علاوہ کچھ نہیں ہے ۔

First published: Dec 14, 2017 10:25 PM IST