உங்கள் மாவட்டத்தைத் தேர்வுசெய்க

    کسان لیڈر Rakesh Tikait پر پھینکی گئی کالی سیاہی، بنگلورو میں کررہے تھے پریس کانفرنس

    کسان لیڈر Rakesh Tikait پر پھینکی گئی کالی سیاہی، بنگلورو میں کررہے تھے پریس کانفرنس  (ANI)

    کسان لیڈر Rakesh Tikait پر پھینکی گئی کالی سیاہی، بنگلورو میں کررہے تھے پریس کانفرنس (ANI)

    Black Ink Thrown at Rakesh Tikait : ایک مقامی نیوز چینل کے اسٹنگ آپریشن کے ویڈیو پر ٹکیت اور سنگھ بنگلورو میں پریس کانفرنس کرکے وضاحت پیش کررہے تھے، اسی دوران ان پر کالی سیاہی پھینکی گئی ۔

    • Share this:
      بنگلورو : کرناٹک میں پیر کو ایک پروگرام میں کسان لیڈر راکیش ٹکیت اور یدھویر سنگھ پر کالی سیاہی پھینکی گئی ہے ۔ ایک مقامی نیوز چینل کے اسٹنگ آپریشن کے ویڈیو پر ٹکیت اور سنگھ بنگلورو میں پریس کانفرنس کرکے وضاحت پیش کررہے تھے، اسی دوران ان پر کالی سیاہی پھینکی گئی ۔ نیوز چینل نے اپنے اسٹنگ آپریشن میں کرناٹک کے کسان لیڈر کوڈہللی چندر شیکھر کو پیسے مانگتے ہوئے رنگے ہاتھوں پکڑنے کا دعوی کیا ہے ۔

       

      یہ بھی پڑھئے : PM مودی نے کہا : جس چکر میں ملک 2014 سے پہلے پھنسا تھا، اس سے باہر نکل رہا ہے


      راکیش ٹکیت اور یدھویر سنگھ پریس کو یہ وضاحت کرنے کیلئے مخاطب کررہے تھے کہ وہ اس میں شامل نہیں ہیں اور کسان لیڈر کو کوڈی ہللی چندر شیکھر کے خلاف کارروائی کی جانی چاہئے ۔ اسی دوران کچھ لوگوں نے بحث شروع کردی اور دونوں کسان لیڈروں پر کالی سیاہی پھینک دی ۔ لوگوں نے کرسیاں بھی پھینکنی شروع کردیں ۔ بی کے یو ترجمان کے مطابق ان پر سیاہی کسان لیڈر چندرشیکھر کے حامیوں نے پھینکی ۔


      بنگلورو کے ہائی گراونڈس پولیس اسٹیشن کے مطابق گاندھی بھون میں پریس کانفرنس کے دوران کسان لیڈروں پر کالی سیاہی پھینکنے کے معاملہ میں تین لوگوں کو گرفتار کیا گیا ہے ۔ اس واقعہ پر راکیش ٹکیت نے میڈیا سے بات چیت میں کہا کہ سیکورٹی بندوبست بنائے رکھنا مقامی پولیس کی ذمہ داری تھی ۔


      یہ بھی پڑھئے : سدھو موسے والا کے اہل خانہ کا پوسٹ مارٹم کروانے سے انکار، کیا NIA جانچ کا مطالبہ


      انہوں نے کرناٹک سرکار پر الزام لگاتے ہوئے کہا کہ یہ سب ملی بھگت سے ہوا ہے۔ قومی راجدھانی دہلی میں تینوں زرعی قوانین کی مخالفت میں غازی پور بارڈر پر سال بھر چلے کسان آندولن کے دوران بھارتیہ کسان یونین کے لیڈر راکیش ٹکیت اہم چہرہ تھے۔

      بی کے یو مبینہ طور پر داخلی خلفشار کا شکار ہورہی ہے ۔ راکیش ٹکیت اور نریش ٹکیت پر آنجہانی چودھری مہندر سنگھ ٹکیت کے نظریہ سے بھٹکنے کا الزام لگا رہے ہیں، جو آخر کار تنظیم میں تقسیم کی وجہ بنی ۔
      Published by:Imtiyaz Saqibe
      First published: