تمل ناڈو کو پانی دینا یقینی بنائے کرناٹک حکومت: سپریم کورٹ کی وارننگ

میسور: کاویری ندی آبی تنازعہ معاملے میں سپریم کورٹ نے ایک بار پھر کرناٹک حکومت کو وارننگ دی ہے۔ سپریم کورٹ نے کہاکہ اگر کرناٹک نے حکم کی تکمیل نہیں کی تو نتائج بھگتنے پڑیں گے۔

سپریم کورٹ نے کرناٹک حکومت سے تمل ناڈو کو پانی دینے کے لئے کہا ہے، اس کے ساتھ  ہی مرکزی حکومت کو اس معاملے میں حلف نامہ داخل کرنے کا حکم دیا ہے۔ اس معاملے کی آئندہ  سماعت 8مئی کو ہوگی۔

سپریم کورٹ نے کہا کہ کرناٹک میں الیکشن ہیں تو یہ تویش کی بات نہیں ہے۔ کرناٹک کو اپریل اور مئی میں تمل ناڈو کو پانی دینا چاہئے۔ اس متعلق کرناٹک سرکار آئندہ منگل کو سپریم کورٹ میں جانکاری دے کہ اس نے کتنا پانی چھوڑا ہے۔ واضح رہے کہ سپریم کورٹ میں اٹارنی جنرل کے کے وینوگوپال  نے کہاکہ وزیراعظم اور کابینہ کرناٹک اسمبلی انتخابات میں مصروف ہیں، اس لئے ڈرافٹ ابھی منظور نہیں ہوسکا ہے۔