ہوم » نیوز » جنوبی ہندوستان

کرناٹک میں پاپولر فرنٹ آف انڈیا پر نہیں لگائی جائے گی پابندی : کے سی وینوگوپال ، بی جے پی پر سادھا نشانہ

کرناٹک کانگریس کے انچارج کے سی وینوگوپال کا کہنا ہے کہ کرناٹک میں پاپولرفرنٹ آف انڈیا پر پابندی نہیں لگائی جائے گی ۔

  • ETV
  • Last Updated: Jan 11, 2018 11:04 PM IST
  • Share this:
  • author image
    NEWS18-Urdu
کرناٹک میں پاپولر فرنٹ آف انڈیا پر نہیں لگائی جائے گی پابندی : کے سی وینوگوپال ، بی جے پی پر سادھا نشانہ
کانگریس لیڈر کے سی وینوگوپال

بنگلورو : کرناٹک کانگریس کے انچارج کے سی وینوگوپال کا کہنا ہے کہ کرناٹک میں پاپولرفرنٹ آف انڈیا پر پابندی نہیں لگائی جائے گی ۔ شمالی کرناٹک کے بیجاپور میں میڈیا سے گفتگو کرتے ہوئے کے سی وینوگوپال نے کہا کہ ساحلی علاقہ منگلور میں حال ہی میں قتل کی جو وارداتیں پیش آئی ہیں ، اس میں بجرنگ دل اور بی جے پی کارکنوں کا ہاتھ ہے۔ اس کے علاوہ بی جے پی لیڈران خود جرائمی سرگرمیوں کو فروغ دے رہے ہیں ۔

کے سی وینوگوپال نے کہا کہ بی جے پی اور آر ایس ایس کرناٹک میں منافرت پھیلانے کی کوشش کر رہی ہے، مگران کی یہ کوشش کبھی کامیاب نہیں ہوگی ۔ امن میں خلل ڈالنے والے کسی بھی شخص کے خلاف حکومت سخت کارروائی کرے گی ۔ ایک سوال کا جواب دیتے ہوئے کے سی وینوگوپال نے بتایا کہ کرناٹک میں پی ایف آئی پر پابندی لگانے کا سوال ہی نہیں اٹھتا۔ پی ایف آئی پر پابندی لگانے کا مطالبہ کرنے والی بی جے پی سب سے پہلے کریمنل پولیٹکس سے باہر آئے ـ

First published: Jan 11, 2018 11:04 PM IST
corona virus btn
corona virus btn
Loading