உங்கள் மாவட்டத்தைத் தேர்வுசெய்க

    روشن بیگ کے خلاف کانگریس کی کارروائی، پارٹی مخالف سرگرمیوں کے الزام میں معطل

    کانگریس سے معطل کئے گئے رکن اسمبلی روشن بیگ نےکہا ہے کہ وہ کانگریس کے سپاہی ہیں اورکانگریس میں رہ کر سچائی کے لئے لڑیں گے۔

    کانگریس سے معطل کئے گئے رکن اسمبلی روشن بیگ نےکہا ہے کہ وہ کانگریس کے سپاہی ہیں اورکانگریس میں رہ کر سچائی کے لئے لڑیں گے۔

    آل انڈیا کانگریس کمیٹی سے منظوری ملنے کے بعد کرناٹک پردیش کانگریس کمیٹی کی جانب سے یہ کارروائی کی گئی ہے۔

    • Share this:
      کرناٹک کے سابق ریاستی وزیر آرروشن بیگ کے خلاف کانگریس نے کارروائی کی ہے۔ انہیں پارٹی مخالف سرگرمیوں کے الزام میں معطل کردیا گیا ہے۔ روشن بیگ نے کانگریس کے ریاستی لیڈروں کے خلاف نازیبا الفاظ استعمال کئے تھے۔ آل انڈیا کانگریس کمیٹی سے منظوری ملنے کے بعد کرناٹک پردیش کانگریس کمیٹی کی جانب سے کارروائی کی گئی ہے۔

      اس سے قبل ریاستی کانگریس کے ذرائع کے مطابق روشن بیگ نے وینوگوپال کومسخرہ اور سدا رامیا کومتکبرقراردیا تھا۔ جس پرانہیں وجہ بتاؤ نوٹس جاری کی گئی ہے۔ تاہم روشن بیگ نے وجہ بتاونوٹس کونظراندازکرتے ہوئے اس کاجواب نہ دینے کا فیصلہ کیا ہے۔ انہوں نے کانگریس کے لیڈران اپنی نکتہ چینی تیزکرتے ہوئے دیگر لیڈران کوبھی نشانہ بنارہے ہیں۔ روشن بیگ نے صدرپردیش کانگریس دنیش گنڈوراؤکو فلاپ ہیروقراردیا۔

      روشن بیگ  نے اس سے قبل کہا تھا کہ ریاست میں مسلمانوں اورکرسچن کو پارٹی نے نظرانداز کیا جس کی وجہ سے وہ پریشان ہیں انہیں استعمال کیا گیا۔ ریاستی کانگریس کمیٹی نے روشن بیگ کو وجہ بتاؤ نوٹس جاری کیا تھا اورایک جواب داخل کرنے کیلئے ایک ہفتہ کا وقت دیا تھا۔ وہیں کانگریس لیڈر یوٹی خان نے روشن بیگ کے بیان بازی پرتشویش کا اظہارکیا تھا کہ روشن بیگ کے بیان سے کانگریس پارٹی اتفاق نہیں کرتی ہے۔ کیوں کہ پردیش کانگریس کمیٹی کے سی وینو گوپال کی قیادت میں اچھا کام کررہی ہے۔

      IMG-20190618-WA0141
      First published: