سی پی ایم لیڈرنے خالصتان سے کیا آرایس ایس کا موازنہ، راجناتھ سنگھ نے دیا سخت جواب

سبریمالا مندرکو لے کرسیاسی تنازعہ میں اضافہ ہوتا جارہا ہے۔ اسی ضمن میں ہردن لیڈروں کے حملے اورایک دوسرے پرلگنے الے الزام اورجوابی الزام میں مزید تیزی آرہی ہے۔ سی پی ایم پولت بیورو کے رکن ایس رام چندرن پلئی نے بدھ کو آرایس ایس پر سنگین الزام عائد کیا۔

سی پی ایم لیڈر نے کہا "آرایس ایس طالبان اورخالصتان جیسا برتاو کررہا ہے۔ وہ سبریمالا میں پریشانی کھڑی کرنے کی کوشش کیوں کررہے ہیں؟ انہیں سب کچھ پرامن طریقے سے ہونے دینا چاہئے، وہ ایسا نہیں ہونے دے رہے ہیں۔

رام چندرن پلئی کے اس بیان پرسیاست گرما گئی ہے۔ وزیرداخلہ راجناتھ سنگھ نے سی پی ایم لیڈر کے اس بیان پرپلٹ وار کرتے ہوئے ان کے الزام کو ذہنی دیوالیہ پن بتایا۔ راجناتھ نے کہا "ملک کی اتحاد اورسالمیت کے لئے کام کرنے والی آرایس ایس جیسی تنظیم پرایسا الزام لگانا ذہنی دیوالیہ پن نہیں تو کیا ہے"؟

They (RSS) are behaving like Taliban and Khalistan terrorists. Why are they trying to create trouble in Sabarimala? They should allow everything to be peaceful, they’re not doing it: S. Ramachandran Pillai CPIM Politburo member pic.twitter.com/otGcdJsSyp

— ANI (@ANI) November 21, 2018

وہیں آرایس ایس نے اس بیان کو ملک کی توہین قرار دیا ہے۔ آرایس ایس مفکروراگ پاچپور نے کہا کہ آرایس ایس پرامن ہے، تشدد میں یقین نہ کرنے والا اورملک کے تئیں وفادار تنظیم ہے۔ رام چندرن پلئی نے آرایس ایس کے لئے جوبیان دیا ہے، وہ ملک کی توہین ہے۔

واضح رہے کہ بی جے پی کے قومی صدر امت شاہ نے منگل کوکیرلا کے وزیراعلیٰ پنرائی وجین پرزبردست تنقید کی تھی۔ امت شاہ نے کہا کہ سبریمالا کے عقیدتمندوں کے ساتھ 'گلاگ قیدیوں' کی طرح برتاو کیا جارہا ہے۔ بی جے پی صدرنے الزام لگاتے ہوئے کہا کہ عقیدت مندوں کو کوڑے کے ڈھیراورخنزیروں کے رہنے کی جگہ پررات بتانے کے لئے مجبورکیا جارہا ہے۔

 یہ بھی پڑھیں:  رام مندر کے لئے آواز بلند کرے گا آر ایس ایس ۔ وی ایچ پی ، 9 دسمبر کو بلائی میگا ریلی

 یہ بھی پڑھیں:   رام مندر کی تعمیر کے لئے بننا چاہئے قانون: آر ایس ایس سربراہ موہن بھاگوت