کنڑ ادیب دیونورمہادیوا نے پدم شری اورساہتیہ اکیڈمی ایوارڈ لوٹایا

بنگلورو: ملک میں عدم تحمل اور عدم رواداری کی مذمت کرتے ہوئےکرناٹک کے ایک اور ممتاز ادیب نے اپنے ایوارڈ لوٹا دئے ہیں۔

کنڑ کے مشہور ادیب دیونورمہادیوانے پدم شری اورساہتیہ اکیڈمی ایوارڈ لوٹا دیاہے۔ اپنے بیان میں دیونورمہادیوا نے کہا کہ ملک میں تحریک آزادی کے خواب آج چکناچورہورہے ہیں۔ اظہارخیال کی آزادی، تحمل، سماجی انصاف اور دیگراقدارنہرو کے دورسےکمزور ہورہے ہیں اور آج یہ اقداردم توڑرہے ہیں۔

دیونورمہادیوا نے دادری سانحہ اور ایم ایم کلبرگی کے قتل کی بھی مذمت کی۔ اس سلسلے میں دیونورمہادیوا نے تحریری بیان بھی جاری کیا ہے۔

خیال رہے کہ ملک میں بڑھتی ہوئی عدم رواداری کے خلاف اب تک سینکڑوں معزز شخصیات نے ساہتیہ اکیڈمی اور دیگر ایوارڈ لوٹا چکی ہیں۔