உங்கள் மாவட்டத்தைத் தேர்வுசெய்க

    Eid-ul-Adha in Hyderabad: عید الاضحیٰ کے موقع پر نیا رحجان! لوگ قربانی کی خدمات کو دے رہیں ہیں ترجیح، آخرکیوں؟

    Youtube Video

    میڈیا سے بات کرتے ہوئے عطا پور کے رہائشیوں میں سے ایک جمیل احمد نے کہا کہ میں گزشتہ دو سال سے قربانی کی خدمات انجام دے رہا ہوں۔ یہ ایک بہتر آپشن ہے کیونکہ میں عید الاضحیٰ کے موقع پر قصائی کی تلاش کے بجائے عید سے لطف اندوز ہو سکتا ہوں۔

    • Share this:
      حیدرآباد: عید الاضحیٰ سے قبل اور عید کے تین دن حیدرآباد میں بہت سے لوگ قربانی کی خدمات سے متعلق کام کررہے ہیں، یعنی وہ معاوضہ کی بنیاد پر قربانی کے جانور کو کاٹ کر دے رہے ہیں۔ اس طرح کی ترجیح کی بنیادی وجہ سہولت ہے۔ قربانی کی خدمات میں جانوروں کی خریداری سے لے کر گھر کی دہلیز پر صارفین کو گوشت کی ترسیل تک سب کچھ شامل ہے۔

      میڈیا سے بات کرتے ہوئے عطا پور کے رہائشیوں میں سے ایک جمیل احمد نے کہا کہ میں گزشتہ دو سال سے قربانی کی خدمات انجام دے رہا ہوں۔ یہ ایک بہتر آپشن ہے کیونکہ میں عید الاضحیٰ کے موقع پر قصائی کی تلاش کے بجائے عید سے لطف اندوز ہو سکتا ہوں۔

      قربانی کی خدمات کی مانگ میں اضافہ:

      انہوں نے مزید کہا کہ حفظان صحت کے نقطہ نظر سے بھی قربانی کے دونوں میں خدمات بہتر ہیں کیونکہ ہمیں جانوروں کے فضلے کے بارے میں بھی پریشان ہونے کی ضرورت نہیں ہوتی۔

      اس سہولت کے علاوہ قربانی کی خدمات وقت کی ضرورت بن گئی ہیں کیونکہ بہت سے لوگ ایسے اپارٹمنٹس میں رہ رہے ہیں جہاں انہیں جانور ذبح کرنے کی جگہ مشکل سے ملتی ہے۔

      جیسے جیسے سروس کی مانگ بڑھ رہی ہے، بہت سی تنظیموں اور تاجروں نے اسے پیش کرنا شروع کر دیا ہے۔ وہ جانور خریدنے سے لے کر دہلیز پر گوشت کی فراہمی تک کی مکمل سروس کے لیے یکمشت رقم جمع کر رہے ہیں۔

      ہندوستان میں عید الاضحی:

      ہندوستان میں عید الاضحی 10 جولائی بروز اتوار کو منائی جائے گی۔ یہ عید اسلامی مہینہ ذی الحجہ کی 10 تاریخ کو منائی جاتی ہے۔ دوسری جانب سعودی عرب اور مشرق وسطیٰ کے دیگر ممالک 9 جولائی بروز ہفتہ کو عید منائی جائے گی۔

      عیدالاضحیٰ سے متعلق آل انڈیا مسلم پرسنل لا بورڈ کی مسلمانوں سے اپیل:

      یہ بھی پڑھیں: ثنا خان کا حج کرنے کا خواب ہوا پورا، خوشی کے مارے چھلکے آنکھو سے آنسو

      آل انڈیا مسلم پرسنل لا بورڈ کے جنرل سکریٹری مولانا خالد سیف اللہ رحمانی نے اپنے صحافتی بیان میں کہا ہے کہ عید قرباں مسلمانوں کا نہایت اہم تہوار ہے، جو اللہ کے دو پیغمبروں حضرت ابراہیم علیہ السلام اور حضرت اسماعیل علیہ السلام کی یاد دلاتا ہے اور ہمیں اس جانب متوجہ کرتا ہے کہ ہم اللہ کی رضا کی خاطر ہر طرح کی قربانی کے لئے تیار رہیں اور عقیدۂ توحید پرثابت قدم رہیں۔
       یہ بھی پڑھیں: Malaysia Masters Badminton:پی وی سندھو اور ایچ ایس پرانئے ملیشیا ماسٹرس کے دوسرے راؤنڈ میں، سائنا نہوال باہر


      آل انڈیا مسلم پرسنل لا بورڈ نے مزید کہا کہ اخلاق کے بھی اور قانون کے بھی، صحت کی حفاظت اور سماج کو بیماریوں سے بچانا سبھوں کی ذمہ داری ہے-
      Published by:Mohammad Rahman Pasha
      First published: