وشاکھا پٹنم کی فارما کمپنی میں گیس لیک، 2 لوگوں کی موت، 4 کی حالت نازک
حکام کے مطابق، گیس کا رساو پروادا فارما سٹی کی لاف سائنس کی فیکٹری میں ہوا
موصولہ اطلاعات کے مطابق، گیس کے رساو سے اب تک دو لوگوں کی موت ہو گئی ہے جبکہ چار لوگوں کی حالت نازک بتائی جا رہی ہے۔
- News18 Urdu
- Last Updated :
حیدرآباد۔ آندھرا پردیش کے وشاکھا پٹنم میں واقع ایک فارما کمپنی کی فیکٹری میں زہریلی گیس کے رساو کا معاملہ سامنے آیا ہے۔ موصولہ اطلاعات کے مطابق، گیس کے رساو سے اب تک دو لوگوں کی موت ہو گئی ہے جبکہ چار لوگوں کی حالت نازک بتائی جا رہی ہے۔ انہیں نزدیکی اسپتال میں بھرتی کرایا گیا ہے۔ یہ واقعہ منگل کو صبح میں پیش آیا۔ انتظامیہ نے آس پاس کے گاووں کو خالی کرا دیا ہے۔ پروادا فارما سٹی کے دو کلو میٹر کے دائرے میں گیس رساو کا اثر دیکھا جا رہا ہے۔
حکام کے مطابق، گیس کا رساو پروادا فارما سٹی کی لاف سائنس کی فیکٹری میں ہوا۔ بتایا جا رہا ہے کہ یہاں کم سے کم 30 لوگ کام کرتے ہیں۔ زہریلی گیس سے چار لوگوں کی طبیعت بگڑ گئی ہے۔ ان میں سے ایک کی حالت نازک بنی ہوئی ہے۔ سبھی کو گجواکا نجی اسپتال میں بھرتی کرایا گیا ہے۔ وہیں، اس حادثہ میں مرنے والوں کی شناخت نریندر اور گوری شنکر کے طور پر ہوئی ہے۔
پچھلے دو مہینے میں ضلع میں گیس رساو کا یہ دوسرا واقعہ ہے۔ اس سے پہلے ایل جی پالیمر کی کیمیکل فیکٹری میں 7 مئی کو ایک بڑا گیس رساو ہوا جس میں کم سے کم بارہ لوگوں اور کئی مویشیوں کی موت ہو گئی تھی۔ اسی طرح کا گیس رساو ( رائے گڑھ، چھتیس گڑھ میں ایک پیپر مل میں) اور ایک بوائلر بلاسٹ ( نیویلی، تمل ناڈو) میں ہوا تھا۔
#UPDATE - 2 people dead & 4 admitted at hospitals. Situation under control now. The 2 persons who died were workers and were present at the leakage site. Gas has not spread anywhere else: Uday Kumar, Inspector, Parwada Police Station https://t.co/ogbuc3QfoY pic.twitter.com/TuPCeWK8ZF
— ANI (@ANI) June 30, 2020
حکام کے مطابق، گیس کا رساو پروادا فارما سٹی کی لاف سائنس کی فیکٹری میں ہوا۔ بتایا جا رہا ہے کہ یہاں کم سے کم 30 لوگ کام کرتے ہیں۔ زہریلی گیس سے چار لوگوں کی طبیعت بگڑ گئی ہے۔ ان میں سے ایک کی حالت نازک بنی ہوئی ہے۔ سبھی کو گجواکا نجی اسپتال میں بھرتی کرایا گیا ہے۔ وہیں، اس حادثہ میں مرنے والوں کی شناخت نریندر اور گوری شنکر کے طور پر ہوئی ہے۔
پچھلے دو مہینے میں ضلع میں گیس رساو کا یہ دوسرا واقعہ ہے۔ اس سے پہلے ایل جی پالیمر کی کیمیکل فیکٹری میں 7 مئی کو ایک بڑا گیس رساو ہوا جس میں کم سے کم بارہ لوگوں اور کئی مویشیوں کی موت ہو گئی تھی۔ اسی طرح کا گیس رساو ( رائے گڑھ، چھتیس گڑھ میں ایک پیپر مل میں) اور ایک بوائلر بلاسٹ ( نیویلی، تمل ناڈو) میں ہوا تھا۔
سب سے پہلے پڑھیں نیوز18اردوپر اردو خبریں، اردو میں بریکینگ نیوز ۔ آج کی تازہ خبر، لائیو نیوز اپ ڈیٹ، پڑھیں سب سے بھروسہ مند اردو نیوز،نیوز18 اردو ڈاٹ کام پر ، جانیئے اپنی ریاست ملک وبیرون ملک اور بالخصوص مشرقی وسطیٰ ،انٹرٹینمنٹ، اسپورٹس، بزنس، ہیلتھ، تعلیم وروزگار سے متعلق تمام تفصیلات۔ نیوز18 اردو کو ٹویٹر ، فیس بک ، انسٹاگرام ،یو ٹیوب ، ڈیلی ہنٹ ، شیئر چاٹ اور کوایپ پر فالو کریں ۔
