Asaduddin Owaisi: حیدرآبادکو فرقہ پرستی کا نہ بنایا جائے شکار، اسد الدین اویسی نے دیا بیان

حیدرآباد کے رکن پارلیمنٹ اسد الدین اویسی (Asaduddin Owaisi) نے بدھ کے روز بی جے پی کے معطل رکن اسمبلی راجہ سنگھ (Raja Singh) کے خلاف پیغمبر اسلام حضرت محمد ﷺ کے بارے میں گستاخانہ ریمارکس پر احتجاج جاری رکھنے کا عہد کیا ہے، انھوں نے مظاہروں کے درمیان امن کی برقراری کی اپیل کی ہے۔

حیدرآباد کے رکن پارلیمنٹ اور اے آئی ایم آئی ایم کے صدر بیرسٹر اسد الدین اویسی نے دیر رات ٹویٹس کا ایک سلسلہ پوسٹ کیا اور اپیل کی کہ یہ صورتحال راجہ سنگھ کی نفرت انگیز تقریر کا براہ راست نتیجہ ہے۔ اسے جلد از جلد جیل بھیجا جائے۔ میں امن برقرار رکھنے کی اپیل کا بھی اعادہ کرتا ہوں۔ حیدرآباد ہمارا گھر ہے، اسے فرقہ پرستی کا شکار نہیں ہونا چاہیے۔

انہوں نے مزید کہا کہ تقریباً 90 احتجاج کرنے والے نوجوانوں کو رات گئے رہا کر دیا گیا۔ ڈی سی پی ساؤتھ سے میری نمائندگی پر شاہ علی بندہ اور آشا ٹاکیز سے 90 احتجاج کرنے والے نوجوانوں کو رہا کر دیا گیا ہے۔ اے آئی ایم آئی ایم کے ایم ایل اے احمد بن عبداللہ بلعلہ اور ہمارے کارپوریٹر ساری رات حالات کو پرسکون کرنے کے لیے کام کر رہے ہیں۔ میں ان سے رابطے میں ہوں۔

یہ بھی پڑھیں:

Hyderabad : ٹی راجا سنگھ کے خلاف احتجاج جاری ، درجنوں مظاہرین کو کیا گیا گرفتار




تاہم اب بھی پرانے شہر میں پولیس کی بھاری بندوبست ہے۔ شہر میں بدستور کشیدگی پائی جارہی ہے۔ بدھ کے روز چیف منسٹر کے چندر شیکھر راؤ (K. Chandrashekar Rao) نے امن و امان کی صورتحال کا جائزہ لینے کے لیے میٹنگ کی۔