شہریت ترمیمی بل کو سپریم کورٹ میں کیا گیا چیلنج، انڈین یونین مسلم لیگ نے داخل کی عرضی

انڈین یونین مسلم لیگ (آئی یو ایم ایل ) نے شہریت ترمیمی بل(سی اے بی)کے راجیہ سبھا میں پاس ہونے کے ایک دن بعد جمعرات کو سپریم کورٹ میں بل کو چیلنج دینے والی عرضی داخل کی۔آئی یو ایم ایل نے اپنی عرضی میں کہا،’’برائے مہربانی سی اے بی کو غیرقانونی اورفضول قراردیں۔ یہ ہندوستانی آئین کے آرٹیکل 14،15 اور 21 کی خلاف ورزی ہے۔‘‘

Petition filed in the #SupremeCourt by IUML, claiming #CitizenshipAmmendmentBill2019 violates Article 14 of the Constitution & illegally classifies people on the basis of religion. Sr adv Kapil Sibal will represent the party. It will be mentioned once the President gives assent. https://t.co/jhhzCRVjed

— Utkarsh Anand (@utkarsh_aanand) December 12, 2019

عرضی مین دعویٰ کیا گیا ہے کہ سی اے بی غیر قانونی،بے معنی اور غیر آئینی ہے۔آئی یو ایم ایل نے الزام لگایا ہے کہ بل آئین کے تحت برابری کے بنیادی حقوق کی خلاف ورزی ہے۔سپریم کورٹ کے ذرائع کے مطابق ایک دو ہفتے کے اندر عرضی پر سماعت کےلئے غور کیاجاسکتا ہے۔واضح رہے کہ سی اے بی کی منظوری کے بعد سے آسام سمیت شمالی ہندوستان کے مختلف علاقوں میں احتجاجی مظاہرے ہورہے ہیں ۔

#Alert | We're going to SC, we discussed with Kapil Sibal. This case should be crushed & we'll win this case, 2-3 articles of the Constitution 14,15 are violated, basic principles are ruined by this legislation & we're hopeful to win: ET Mohammed Basheer on petition against CAB pic.twitter.com/0JNVZqzcsa

— News18 (@CNNnews18) December 12, 2019

یادرہے کہ لوک سبھا میں منظوری کے بعد کل راجیہ سبھا میں شہریت ترمیمی بل پربحث کے بعد ووٹنگ ہوئی تھی۔ اس دوران راجیہ سبھا میں بھی یہ بل منظورہوگیا ہے۔ حکومت کے حق میں 125 ووٹ پڑے جبکہ بل کی مخالفت میں 105 ووٹ پڑے۔ اس طرح سے اب شہریت ترمیمی بل کودونوں ایوانوں سے منظوری مل چکی ہے۔ اب یہ جلد ہی قانون بن جائے گا۔