ہوم » نیوز » جنوبی ہندوستان

بھاگوت کو صدر بنانے کے خیال کی جعفر شریف نے کی حمایت، وزیر اعظم کو لکھا خط

ذرائع کے مطابق مسٹر شریف نے وزیر اعظم نریندر مودی کو لکھے گئے خط میں کہا ہے کہ انہیں لگتا ہے کہ ملک کے صدر کے لئے مسٹر بھاگوت کے نام پر کسی کو کوئی اعتراض نہیں ہونا چاہئے۔

  • UNI
  • Last Updated: Apr 01, 2017 08:10 PM IST
  • Share this:
  • author image
    NEWS18-Urdu
بھاگوت کو صدر بنانے کے خیال کی جعفر شریف نے کی حمایت، وزیر اعظم کو لکھا خط
سی کے جعفر شریف، موہن بھاگوت

نئی دہلی۔  ملک کا اگلا صدر آر ایس ایس  سربراہ موہن بھاگوت کو بنانے کے شیوسینا لیڈر سنجے راوت کے خیال کی کانگریس کے سینئر لیڈر اور سابق مرکزی وزیر جعفر شریف نے حمایت کرتے ہوئے آج کہا کہ اس عہدے کے لئے ان کے نام پر شاید ہی کسی کو اعتراض ہوگا۔ ذرائع کے مطابق مسٹر شریف نے وزیر اعظم نریندر مودی کو لکھے گئے خط میں کہا ہے کہ انہیں لگتا ہے کہ ملک کے صدر کے لئے مسٹر بھاگوت کے نام پر کسی کو کوئی اعتراض نہیں ہونا چاہئے۔ انہوں نے کہا کہ ملک میں مختلف نظریات ہیں اور اس طرح کے تنوع والے ملک کے لئے یہ فطری ہے۔ مسٹر بھاگوت اگرچہ کسی خاص نظریے سے تعلق رکھتے ہوں لیکن ان کی حب الوطنی، یہاں کے لوگوں کے لئے ان کی محبت اور قوم کے تئیں مخلص ہونے پر کوئی شبہ نہیں ہونا چاہئے۔


 راوت نے مسٹر بھاگوت کو ملک کا اگلا صدر بنائے جانے کے خیال کا اظہار کرتے ہوئے کہا تھا کہ اپنی بے داغ شبیہ کی وجہ سے وہ صدر کے لئے موزوں شخصیت ہیں۔ اس وقت ملک میں وہ ہندوتو کا چہرہ ہیں۔ بہرحال مسٹر بھاگوت نے کہا تھا کہ وہ اس عہدے کی دوڑ میں نہیں ہیں۔ موجودہ صدر پرنب مکھرجی کی مدت کار 25 جولائی کو ختم ہو رہی ہے۔


First published: Apr 01, 2017 08:10 PM IST
corona virus btn
corona virus btn
Loading