جامعہ ملیہ اسلامیہ کے استاد نے کیرالہ سیلاب زدگان کے لئے عطیہ کی اپنی ایک ماہ کی تنخواہ

کیرلا اس وقت صدی کی سب سے بڑی تباہی سے گزر رہا ہے۔ گزشتہ سو سالوں میں کیرلا نے کبھی اتنی بڑی تباہی نہیں دیکھی۔ اب تک ساڑھے تین سو سے زیادہ لوگوں کی سیلاب کے سبب موت ہو چکی ہے۔ پورے ملک سے لوگ متاثروں کی مدد کر رہے ہیں۔ اسی طرح جامعہ ملیہ اسلامیہ میں ہندی محکمہ کے استاد مکیش کمار مروٹھا نے کیرلا ریلیف فنڈ میں اپنی ایک ماہ کی تنخواہ دینے کا اعلان کیا ہے۔

جامعہ ملیہ اسلامیہ میں محکمہ ہندی کے استاد مکیش کمار مروٹھا نے اپنی فیس بک پوسٹ میں پیغام دیتے ہوئے کہا کہ کیرالہ آج خطرناک قدرتی آفات سے جوجھ  رہا ہے۔ آئیے ہم ہندوستانی ہونے کا فرض ادا کریں، اس پریشانی کے وقت میں ہماری تھوڑی اور چھوٹی سی مدد بھی ان کے لئے مددگار ثابت ہو سکتی ہے۔