کرناٹک میں ٹیپو جینتی کے خلاف بی جے پی کا ریاست گیر احتجاج ، گرفتاریاں دیں

کرناٹک میں 10 نومبر کو ٹیپو جینتی منانے کی جہاں زبردست تیاریاں کی جا رہی ہیں وہیں بھارتیہ جنتا پارٹی (بی جے پی) کے سینکڑوں کارکنوں نے حکومت کے اس فیصلے کی مخالفت میں پوری ریاست میں جمعہ کو گرفتاریاں دیں ۔ بی جے پی کارکنوں نے پوری ریاست میں جگہ جگہ دھرنا دیا اور جنتا دل (ایس) -کانگریس اتحاد حکومت کے خلاف نعرے بازی کی۔
بی جے پی لیڈر اور سابق نائب وزیر اعلی آر اشوک کی قیادت میں یہاں دارالحکومت میں تحریک چلائی گئی۔ اسی طرح تمام ضلع کواٹر میں بھی احتجاجی مظاہرے کئے گئے ۔

Karnataka: BJP workers and members stage protest in Bengaluru, opposing #TipuJayanti celebrations which will be observed in the state tomorrow. pic.twitter.com/tUK4NADGMP

— ANI (@ANI) November 9, 2018

ضلع کوڈاگوکے مدیکیری میں اسمبلی کے سابق صدر کے جی بوپيا نے پارٹی کارکنوں سے خطاب کرتے ہوئے ٹیپو جینتی منانے کے حکومت کے فیصلے کی سخت تنقید کرتے ہوئے اسے کوڈاگو کے لوگوں کے مفادات کے خلاف بتایا ۔انہوں نے 19 ویں صدی کے جنگی سورما ٹیپو سلطان کو كوڈاگو میں ہزاروں لوگوں کے قتل کا ذمہ دار ٹھہرایا۔