کرناٹک حکومت کا پاپولرفرنٹ آف انڈیا کے ساتھ کسی قسم کے سمجھوتہ سے انکار

بنگلورو : کرناٹک حکومت نے پاپولر فرنٹ آف انڈیا کے ساتھ کسی بھی طرح کا سمجھوتہ نہیں کیا ہے بلکہ پنچایت انتخابات کے موقع پرخود بی جے پی نے پی ایف آئی سےسمجھوتہ کیا تھا ۔ـ ریاستی وزیر داخلہ رام لنگا ریڈی نے یہ صفائی پیش کی ۔ بنگلورو میں میڈیا سے بات کرتے ہوئے رام لنگا ریڈی نے بتایا کہ بی جے پی قومی صدرامت شاہ اور وزیراعظم مودی کو خوش کرنےکے لئے بی جے پی لیڈران کرناٹک میں فسادات برپا کررہے ہیں ۔
ـ ایک سوال کا جواب دیتے ہوئے وزیرداخلہ رام لنگا ریڈی نےبتایا کہ دیپک راؤ کے قاتلوں کو کسی بھی حال میں بخشا نہیں جائے گاـ ۔اس معاملہ میں ملوث 4 افراد میں سے دو افراد کو گرفتار کر لیا گیا ہے ، جبکہ پولس فائرنگ میں زخمی مزید دو افراد اسپتال میں زیرعلاج ہیں ۔ـ ان سے پوچھ گچھ کے بعد ہی پتہ چلے گا کہ ان کا تعلق پاپولر فرنٹ سے ہے یا نہیں ـ۔