کرناٹک سرکار نے اچانک ہٹایا نائٹ کرفیو ، ایک دن پہلے ہی کیا تھا لاگو

کورونا وائرس کا کا نیا اسٹرین ملنے کے بعد احتیاط کے طور پر کرناٹک سرکار کے ذریعہ لاگو کئے گئے نائٹ کرفیو کو واپس لے لیا گیا ہے ۔ بدھ کو ہی سرکار نے دو جنوری تک رات میں گیارہ بجے سے صبح چھ بجے تک کرفیو لاگو کرنے کا فیصلہ کیا تھا ، لیکن جمعرات کو سرکار نے نائٹ کرفیو ہٹانے کا فیصلہ کیا ہے ۔

جمعرات کی شام کرناٹک سرکار کی جانب سے جاری کئے گئے بیان میں کہا گیا ہے کہ تکنیکی صلاح کار کمیٹی کے مشورہ پر حالات کا جائزہ لینے کے بعد نائٹ کرفیو کے حکم کو واپس لینے کا فیصلہ کیا گیا ہے ۔

Night curfew order, issued earlier, has been withdrawn after reviewing the situation on the suggestion of Technical Advisory Committee: Chief Minister's Office, Karnataka https://t.co/CYSIlI2LQN

— ANI (@ANI) December 24, 2020

وزیر اعلی بی ایس یدی یورپا نے کہا کہ عوام کی رائے کے پیش نظر رات کے کرفیو کی کوئی ضرورت نہیں تھی ۔ فیصلہ کا جائزہ لیا گیا اور کابینہ کے ساتھیوں اور سینئر افسران کے ساتھ بات چیت کرکے رات کے کرفیو کو واپس لینے کا فیصلہ کیا گیا ۔

ایک دن پہلے ہی بدھ کو وزیر صحت سدھاکر نے کورونا کیلئے ریاست کی تکنیکی صلاح کار کمیٹی ( ٹی اے سی) کے اراکین اور سینئر افسران کے ساتھ میٹنگ کی تھی ، جس کے بعد وزیر اعلی بی ایس یدی یورپا نے بدھ رات سے ہی دو جنوری تک کرفیو لگانے اور اس کی مدت رات 10 بجے سے صبح چھ بجے تک رکھنے کا اعلان کیا تھا ۔