ہوم » نیوز » جنوبی ہندوستان

شام میں مارا گیا کیرالہ کا 30 سالہ شخص عبد المناف ، پولیس نے کی تصدیق ، داعش کیلئے لڑ رہا تھا جنگ

کیرالہ کے کننور ضلع کا ایک نوجوان ملک شام میں مارا گیا ہے ۔ بتایا جاتا ہے کہ یہ نوجوان داعش میں شامل ہوگیا تھا ۔

  • Agencies
  • Last Updated: Jan 19, 2018 01:48 PM IST
  • Share this:
  • author image
    NEWS18-Urdu
شام میں مارا گیا کیرالہ کا 30 سالہ شخص عبد المناف ، پولیس نے کی تصدیق ، داعش کیلئے لڑ رہا تھا جنگ
آبائی طور پر کننور ضلع کے کلا پٹینم کا رہنے والا عبد المناف (30) کی گزشتہ سال نومبر میں موت ہوئی تھی ۔

کننور : کیرالہ کے کننور ضلع کا ایک نوجوان ملک شام میں مارا گیا ہے ۔ بتایا جاتا ہے کہ یہ نوجوان داعش میں شامل ہوگیا تھا ۔ پولیس کے ایک سنیئر افسر نے اس بات کی تصدیق کی ہے ۔ آبائی طور پر کننور ضلع کے کلا پٹینم کا رہنے والے عبد المناف (30) کی گزشتہ سال نومبر میں موت ہوئی تھی ۔ پولیس کے مطابق شام میں رہ رہے اس کے ایک دوست نے 17 جنوری کو ٹیلی گرام میسینجر ایپ کے ذریعہ اہل خانہ کو اس کی اطلاع دی۔

ڈی سی پی پی پی سدانند نے بتایا کہ شام میں نومبر 2017 میں ہوئی لڑائی میں عبد المناف کے مارے جانے کی خبر صحیح ہے ۔ یہ خبر شام میں داعش کے لئے لڑنے والے اس کے دوست قیوم نے دی ہے۔

انہوں نے بتایا کہ گزشتہ کچھ عرصہ میں کننور ضلع سے تقریبا 15 لوگ دہشت گرد تنظیم داعش میں شامل ہوئے ہیں ۔ سدا نند نے بتایا کہ ان میں سے عبد المناف سمیت چھ لوگوں کی موت ہوگئی ہے جبکہ دیگر پانچ کو گرفتار کرکے جانچ کیلئے این آئی اے کو سونپ دیا گیا ہے ۔ انہوں نے بتایا کہ باقی چار شام میں ہی رہ کر آئی ایس کیلئے لڑ رہے ہیں۔

First published: Jan 19, 2018 01:30 PM IST
corona virus btn
corona virus btn
Loading