ہوم » نیوز » جنوبی ہندوستان

اہل خانہ نے جے این یو طالب علم جے متھوكرشن کی خودکشی کی سی بی آئی جانچ کا کیا مطالبہ

متھوكرشن کی ماں الیملو نے تمل ناڈو کے سلیم میں صحافیوں سے کہا کہ وہ اتنا ڈرپوک نہیں تھا کہ خود کشی جیسا قدم اٹھا لے۔

  • UNI
  • Last Updated: Mar 15, 2017 09:34 AM IST
  • Share this:
  • author image
    NEWS18-Urdu
اہل خانہ نے جے این یو طالب علم جے متھوكرشن کی خودکشی کی سی بی آئی جانچ کا  کیا مطالبہ
متھوكرشن کی ماں الیملو نے تمل ناڈو کے سلیم میں صحافیوں سے کہا کہ وہ اتنا ڈرپوک نہیں تھا کہ خود کشی جیسا قدم اٹھا لے۔

چنئی : جواہر لال نہرو یونیورسٹی (جے این یو) کے ریسرچ اسکالر جے متھوكرشن کے اہل خانہ نے یونیورسٹی میں ان کی مبینہ خودکشی پر شک کرتے ہوئے اس معاملے کی جانچ مرکزی تفتیشی بیورو (سی بی آئی) سے کرانے کا مطالبہ کیا ہے۔

متھوكرشن کی ماں الیملو نے تمل ناڈو کے سلیم میں صحافیوں سے کہا کہ وہ اتنا ڈرپوک نہیں تھا کہ خود کشی جیسا قدم اٹھا لے۔ انہوں نے کہا کہ وہ امتحان ختم ہونے کے بعد اگلے ہفتے گھر آنے والا تھا۔ ہم نے اس سے دو دن پہلے بات کی تھی وہ مکمل طور پر صحت مند تھا اور امتحان ختم ہونے کے بعد اس نے گھر آنے کی بات کہی تھی۔

انہوں نے متھوكرشن کی موت کی سی بی آئی جانچ کرانے کا مطالبہ کرتے ہوئے کہاکہ"یہ یقین کر پانا انتہائی مشکل ہے کہ میرے بیٹے نے خود کشی کی ہے۔ میرا بیٹا بہت ہی حوصلہ مند تھا، وہ ڈرپوک نہیں تھا۔ وہیں متھوكرشن کی بہن جینتی نے بھی اس معاملے میں سی بی آئی جانچ کا مطالبہ کیا ہے۔

قابل ذکر ہے کہ متھوكرشن نے منركا وہار میں اپنے دوست کی رہائش گاہ میں گزشتہ روز مبینہ طور پر پھانسی لگا کر خود کشی کر لی تھی۔

First published: Mar 15, 2017 09:33 AM IST
corona virus btn
corona virus btn
Loading