Muharram: کرناٹک کے ایک گاؤں میں محرم کا ایسا اہتمام، جس میں ایک بھی مسلمان نہیں!

گزشتہ پانچ دنوں کے دوران کرناٹک کے علاقہ ہیریبیڈانور (Hirebidanur) کی گلیوں کو بہت روشن کیا گیا ہے۔ یہاں جلوس کا اپنا ہی منظر ہے۔ لوگ مشعلیں تھامے اور پس منظر میں متحرک لوک ترنم کے ساتھ ساتھ چل رہے ہیں۔ کرناٹک کے اس گاؤں میں ہندوؤں نے محرم الحرام کو شان و شوکت سے منایا۔

ضلع بیلگاوی (Belagavi) کے ساؤدتی تعلقہ کے ہیریبیڈانور گاؤں میں ایک بھی مسلمان خاندان نہیں ہے۔ لیکن یہاں کے ہندو محرم کو نہ صرف ایک تہوار کے طور پر بلکہ پانچ روزہ عظیم میلے کے طور پر مناتے ہیں۔ ایک چھوٹا سا گاؤں جس کی آبادی صرف 3,000 ہے، ہیریبیڈانور ضلع ہیڈ کوارٹر بیلگاوی سے 51 کلومیٹر دور ہے۔ یہاں کے زیادہ تر لوگ والمیکی (Valmiki) اور کروبا (Kuruba) برادریوں سے تعلق رکھتے ہیں۔

اس علاقہ میں فقیر ایشور سوامی کی مسجد ہے، ایک مزار کے بارے میں کہا جاتا ہے کہ اسے دو مسلمان بھائیوں نے بہت پہلے تعمیر کیا تھا۔ بھائیوں کے مرنے کے بعد گاؤں والوں نے تمام رسومات ادا کی۔ ایک ہندو پجاری یالپا نائکر ہر روز مزار پر جاتے ہیں اور ہندو رسم و رواج کے مطابق پوجا ادا کرتا ہے۔

یہ بھی پڑھیں:

UNSC: غزہ پٹی پر لگاتار اسرائیلی حملے، اقوام متحدہ کی سلامتی کونسل نےطلب کیاہنگامی اجلاس

گاؤں والے اپنی منتیں پوری کرنے کے لیے دعائیں کرتے ہیں۔ محرم کے دوران پڑوسی گاؤں کے مولوی ایک ہفتہ تک مسجد کے اندر رہتے ہیں اور اسلامی روایات کے مطابق نماز ادا کرتے ہیں۔ ہیریبیڈانور کے رہائشی پرکاش کمار نے کہا کہ ہم محرم کو اپنے گاؤں کے میلے کے برابر مناتے ہیں۔ ان 5 دنوں میں کئی فن پاروں کی نمائش کی جاتی ہے جس سے لوک داستانوں کو اپنی صلاحیتوں کے اظہار کا موقع بھی ملتا ہے۔ ایک صدی سے زیادہ عرصے سے پورا گاؤں خوشی سے اس تہوار کو منا رہا ہے۔

یہ بھی پڑھیں:

UAE: یو اے ای کی شہزادی نےغزہ پٹی پر اسرائیلی فضائی حملوں کے خلاف اٹھائی آواز!

محرم ہجری کیلنڈر کا دوسرا مقدس ترین مہینہ ہے۔ محرم اسلامی نئے سال کا آغاز ہے۔ 2022 میں نئے اسلامی سال کا آغاز 30 جولائی کو ہوا۔ مہینے کی دسویں تاریخ کو دنیا بھر کے مسلمان عاشورہ کے طور پر مناتے ہیں۔ یہ دن روزہ رکھنے اور خصوصی دعاؤں کے ساتھ منایا جاتا ہے۔ یہ کربلا کی جنگ میں پیغمبر اسلام حضرت محمد ﷺ کے نواسے حضرت امام حسین علیہ السلام کی شہادت ہوئی۔