کانوڑیوں پر پھول برسانے والی اترپردیش پولیس کو نماز سے پریشانی ہوتی ہے : اسد الدین اویسی

نوئیڈا کے پارکوں میں نماز پر روک لگانے کے معاملہ میں سیاست تیز ہوگئی ہے۔ اس معاملہ کو لے کر اے آئی ایم آئی ایم سربراہ اور رکن پارلیمنٹ اسد الدین اویسی نے ٹویٹ کرکے یوپی پولیس پر نشانہ سادھا ہے۔ اویسی نے یوپی پولیس پر سوال اٹھاتے ہوئے لکھا کہ کانوڑیوں کیلئے پھول برسانے والی پولیس کو ہفتہ میں ایک مرتبہ پڑھی جانے والی نماز سے پریشانی ہوتی ہے۔
اسد الدین اویسی نے ٹویٹ کرکے لکھا کہ اترپردیش کی پولیس نے کانوڑیوں کیلئے پھول برسائے تھے ، لیکن ہفتہ میں ایک مرتبہ پڑھی جانے والی نماز سے امن اور ہم آہنگی بگڑ سکتی ہے ۔ یہ بالکل ویسا ہوا جیسا کہ آپ مسلمانوں سے کہہ رہے ہو کہ آپ کچھ بھی کرلو ، لیکن غلطی تو آپ کی ہی ہوگی ۔
انہوں نے مزید کہا کہ قانون کے مطابق یہ کہاں تک صحیح ہے کہ کوئی کمپنی یہ طے کرے کہ ایک ملازم اپنی ذاتی زندگی میں کیا کرتا ہے۔

UP Cops literally showered petals for Kanwariyas, but namaz once a week can mean “disrupting peace & harmony”. This is telling Muslims: aap kuch bhi karlo, ghalti to aapki hi hogi.

Also, by law, how does one hold an MNC liable for what their employees do in individual capacity? https://t.co/b90Jw5ZMHY

— Asaduddin Owaisi (@asadowaisi) December 25, 2018

خیال رہے کہ اترپردیش کے نوئیڈا میں عوامی مقامات پر اجازت کے بغیر نماز پڑھنے پر پولیس نے روک لگادی ہے۔ پولیس نے یہ فیصلہ نوئیڈا سیکٹر 58 کے ایک سرکاری پارک میں ہونے والی نماز کی شکایت ملنے پر کیا ۔