உங்கள் மாவட்டத்தைத் தேர்வுசெய்க

    آپریشن گنگا اپ ڈیٹ:Ukraine کے پڑوسی ممالک سے اب تک کتنے ہندوتانیوں کی ہوئی واپسی؟ حکومت نے جاری کیے اعدادوشمار

    یوکرین سے ہندوستانی شہریوں کو لے کر ایک اور فلائٹ وطن واپس پہنچی۔

    یوکرین سے ہندوستانی شہریوں کو لے کر ایک اور فلائٹ وطن واپس پہنچی۔

    Operation Ganga Ukraine Russia War: ’آپریشن گنگا‘ کے تحت، ہندوستانیوں کو زمینی سرحدی چوکیوں کے ذریعے یوکرین چھوڑنے کے بعد ہنگری، رومانیہ، پولینڈ اور سلواکیہ سے ہوائی جہاز کے ذریعے وطن لایا جا رہا ہے۔

    • Share this:
      نئی دہلی:Operation Ganga Ukraine Russia War:روسی حملے کے بعد یوکرین میں پھنسے ہندوستانیوں کو بچانے کے لیے مرکزی حکومت کی جانب سے شروع کیے گئے ’آپریشن گنگا‘ کے تحت اب تک تقریباً 16,000 طلبہ کو کامیابی کے ساتھ نکالا جا چکا ہے۔ ہوا بازی کے وزیر جیوترادتیہ سندھیا نے اتوار کو یہ جانکاری دی۔


      سندھیا نے ٹویٹ کیا، ’آپریشن گنگا اپ ڈیٹ:ہم نے 76 پروازوں کے ذریعے 15920 سے زیادہ طلباء کو کامیابی سے نکالا ہے۔ اس میں رومانیہ سے 31 پروازوں کے ذریعے 6680 طلباء، پولینڈ سے 13 پروازوں کے ذریعے 2822 طلباء، ہنگری سے 26 پروازوں کے ذریعے 5300 اور سلواکیہ سے 6 پروازوں کے ذریعے 1118 طلباء کو نکالا گیا ہے۔


      کیا ہے ’آپریشن گنگا‘
      ’آپریشن گنگا‘ کے تحت، ہندوستانیوں کو زمینی سرحدی چوکیوں کے ذریعے یوکرین چھوڑنے کے بعد ہنگری، رومانیہ، پولینڈ اور سلواکیہ سے ہوائی جہاز کے ذریعے وطن لایا جا رہا ہے۔ قابل ذکر ہے کہ روس کی فوجی کارروائی کے بعد 24 فروری سے یوکرین کی فضائی حدود بند کر دی گئی ہے اور ہندوستان اپنے شہریوں کو خصوصی طیاروں کے ذریعے رومانیہ، ہنگری اور پولینڈ کے راستے واپس لا رہا ہے۔

      یہ بھی پڑھیں:
      Russia-Ukraine War: یوکرین میں پھنسےہندوستانیوں کےانخلا کیلئےفوری فارم بھرنےکی اپیل

      گزشتہ 24 گھنٹوں میں تقریباً 2500 ہندوستانیوں کو نکالا گیا
      اس درمیان، حکام نے بتایا کہ گزشتہ 24 گھنٹوں میں 13 پروازوں میں تقریباً 2500 ہندوستانیوں کو نکالا گیا۔ انہوں نے کہا کہ ہنگری، رومانیہ اور پولینڈ سے پھنسے ہوئے ہندوستانیوں کو واپس لانے کے لیے اگلے 24 گھنٹوں میں سات پروازیں طے کی گئی ہیں۔ بوڈاپیسٹ سے پانچ پروازیں ہوں گی، پولینڈ کے ریزو اور رومانیہ میں سوسیوا سے ایک ایک پرواز۔

      ایک اہلکار نے کہا، ’آپریشن گنگا کے تحت، اب تک 76 پروازیں 15,920 سے زیادہ ہندوستانیوں کو ہندوستان واپس لائی ہیں۔‘ ان 76 پروازوں میں سے 13 گزشتہ 24 گھنٹوں میں ہندوستان میں اتری ہیں۔
      Published by:Shaik Khaleel Farhaad
      First published: