نیو انڈیا کی ترقی کا 'انجن' بنے گا اوڈیشہ: وزیراعظم مودی

وزیراعظم نریندرمودی نے پیرکواوڈیشہ کے بھونیشورمیں 14500 کروڑ کی اسکیموں کا افتتاح کیا۔ اس دوران ان کے ساتھ اوڈیشہ کے وزیراعلیٰ نوین پٹنائک بھی موجود تھے۔ وزیراعظم اوڈیشہ کے کھوردھا میں بڑی ریلی میں بھی شامل ہوئے۔ ان کے ساتھ مرکزی وزیردھرمیندرپردھان اورآئی اے ایس سے لیڈر بنیں اپراجتا سارنگی بھی شامل ہوئیں۔

وزہراعظم نے کہا کہ مرکزی حکومت اوڈیشہ کی مکمل ترقی کے لئے وقف ہے۔ اوڈیشہ انفراسٹرکچرسے لے کرہرشخص کی ترقی کے لئے تمام اقدامات اٹھائے جارہے ہیں۔ میں آپ کو یقین دلا تا ہوں کہ یہ کام مسلسل جاری رہے گا۔ پائیکا کے ہیرو کی عزت افزائی کے ساتھ ساتھ اوڈیشہ کی روحانی امیروراثت کو دنیا کے سامنے لانے کا کام بھی کیا جارہا ہے۔ کٹک ضلع کے للت گری میں آرکیولوجی میوزیم کا افتتاح بھی کیا گیا ہے۔

نریندرمودی نے کہا کہ طریقوں اوروسائل کی ترقی تب تک نامکمل ہے جب تک ثقافتی ترقی اس سے نہیں جڑجاتی۔ ملک کی پہلی جنگ آزادی میں اہم کردارنبھانے والے پائیکا کرانتی کے 200 سال پورے ہونے پرایک خاص ڈاک ٹکٹ اورسکہ بھی آج جاری کیا گیا ہے۔

Euphoric atmosphere at the @BJP4Odisha rally in Khurda. Watch. https://t.co/YGb5GMZo13

— Narendra Modi (@narendramodi) December 24, 2018