ہوم » نیوز » شمالی ہندوستان

ایودھیا میں مسجد کی تعمیر کے لئے لوگوں سے چند جمع کرے گا سنی وقف بورڈ، ٹرسٹ جلد کھولے گا دو اکاونٹ

ایودھیا میں مسجد کے لئے بنے ٹرسٹ کے ترجمان اطہر حسین نے بتایا کہ لکھنو میں ٹرسٹ کا نیا دفتر کھولا جائے گا۔ مسجد تعمیر میں تعاون کے لئے بینک اکاونٹ کھولنے کا عمل 25 اگست تک پورا ہوجائے گا۔

  • Share this:
ایودھیا میں مسجد کی تعمیر کے لئے لوگوں سے چند جمع کرے گا سنی وقف بورڈ، ٹرسٹ جلد کھولے گا دو اکاونٹ
ایودھیا میں مسجد کی تعمیر کے لئے لوگوں سے چند جمع کرے گا سنی وقف بورڈ

محمد شاداب


لکھنو: اترپردیش کے ایودھیا میں رام جنم بھومی تیرتھ چھیتر ٹرسٹ (Shri Ram Janmbhumi Teerth Kshetra Trust) رام مندر  (Ram Mandir) تعمیر کے لئے پوری دنیا کے لوگوں سے تعاون مانگ رہا ہے۔ اس کے لئے ٹرسٹ کی طرف سے بینک اکاونٹس کی تفصیلات جاری کی گئی ہیں۔ دوسری طرف ایودھیا کے روناہی میں ملی 5 ایکڑ زمین پر سنی سینٹرل وقف بورڈ (Sunni Central Waqf Board) مسجد، اسپتال (Hospital) اور انڈو اسلامک کلچرل سینٹر بنائے گا۔ وقف بورڈ نے بھی ٹرسٹ کا اعلان کردیا ہے۔ ٹرسٹ بھی لوگوں سے چندہ دینے کی اپیل کرنے کا فیصلہ کیا ہے۔ اس کے لئے باضابطہ اکاونٹ بھی کھولے گا، جس میں پوری دنیا کے لوگ چندہ دے سکیں گے۔


دو بینک کھاتوں میں مسجد اور ریسرچ سینٹر کے لئے چندہ

اطلاعات کے مطابق کچھ ہی دنوں میں 2 بینک اکاونٹ کھولے جائیں گے، جس میں چندے کی رقم جمع کی جاسکے گی۔ سنی وقف بورڈ کے ذریعہ تشکیل انڈو اسلامک کلچرل فاونڈیشن یہ دو اکاونٹ کھولنے والا ہے۔ ان میں سے ایک بینک اکاونٹ صرف مسجد کی تعمیر کے لئے رقم جمع کرانے کے لئے ہوگا، جبکہ دسرے بینک اکاونٹ میں مسجد احاطے میں بننے والے اسپتال اور ریسرچ سینٹر کے لئے رقم جمع کی جائے گی۔

لکھنو میں بنے گا ٹرسٹ کا دفتر

ایودھیا میں مسجد کے لئے بنے ٹرسٹ کے ترجمان اطہر حسین نے بتایا کہ لکھنو میں ٹرسٹ کا نیا دفتر کھولا جائے گا۔ مسجد تعمیر میں تعاون کے لئے بینک اکاونٹ کھولنے کا عمل 25 اگست تک پورا ہوجائے گا۔ انہوں نے بتایا کہ رقم کی ساری تفصیل آن لائن رکھنے کے لئے ایک پورٹل بھی بنوایا جائے گا۔ اس کام کے لئے کمپنی بھی طے کی جاچکی ہے۔ اس پورٹل کے لئے iicf.com کے نام سے ڈومین بھی الاٹ کروا لیا گیا ہے۔
Published by: Nisar Ahmad
First published: Aug 14, 2020 07:33 AM IST
corona virus btn
corona virus btn
Loading