بلقیس بانو کیس: سپریم کورٹ کے جج نے مجرموں سے کیوں کہا ہم سمجھ رہے ہیں، آپ نہیں چاہتے کہ میں سماعت کروں

نئی دہلی. سپریم کورٹ میں بلقیس بانو اجتماعی عصمت دری کیس کے مجرموں کی رہائی سے متعلق درخواست پر آخری سماعت منگل کو ایک بار پھر ملتوی کر دی گئی۔  گجرات حکومت کی طرف سے مجرموں کو قبل از وقت رہائی پر بلقیس بانو سمیت کئی لوگوں کی جانب سے سپریم کورٹ میں درخواستیں دائر کی گئی تھیں۔ درخواست میں استدعا کی گئی کہ گجرات حکومت کے گینگ ریپ کے مجرموں کی رہائی کے فیصلے کو  رد کیا جائے۔ لیکن اس اپیل پر ابھی تک سماعت نہیں ہو پارہی ہے۔ جسٹس کے ایم جوزف اور بی وی ناگرتنا کی بنچ نے 2 مئی کو حتمی سماعت کی تاریخ طے کی گئی تھی لیکن سماعت نہ ہوئی۔

میڈیا رپورٹس کے مطابق جسٹس جوزف نے سماعت کے دوران مجرموں سے کہا کہ وہ نہیں چاہتے کہ یہ بنچ کیس کی سماعت کرے۔ مجرموں کی جانب سے پیش ہونے والے وکلا نے بلقیس بانو کے حلف نامے  پر اعتراض ظاہر کیا۔ بلقیس نے عدالت سے اپیل  کی تھی کہ ملزمان کو دیے گئے نوٹس کو ڈیمز سروس قرار دیا جائے۔ اس پر مجرموں کے وکیل نے سماعت کے دوران کہا کہ بلقیس نے حلف نامے میں جھوٹا دعویٰ کیا کہ مجرموں نے نوٹس قبول کرنے سے انکار کیا ہے۔ وکیل کے مطابق ابھی تک ملزمان کو نوٹس نہیں مل سکا ہے کیونکہ وہ شہر میں موجود نہیں تھے۔

یہ بھی پڑھیں:

وکیل نے دعویٰ کیا کہ بلقیس نے عدالت کے ساتھ فراڈ کیا ہے۔ بلقیس کے خلاف کارروائی کا مطالبہ بھی کیا۔ جس کے بعد بنچ نے سماعت ملتوی کر دی تاکہ تمام مجرموں کے وکلاء جوابی حلف نامے میں اپنے اعتراضات درج کرا سکیں۔ اس کے ساتھ ہی بنچ نے یہ بھی ہدایت دی کہ جن تمام مجرموں کو نوٹس نہیں ملا ہے انہیں ان کے تھانے کے ذریعے دستیاب کرایا جائے۔ جسٹس کے ایم جوزف 16 جون کو ریٹائر ہو جائیں گے۔ ان کا آخری کام کا دن 19 مئی کو ہے۔

دہلی شراب گھوٹالہ: اب ED کی سپلیمنٹری چارج شیٹ میں آیا راگھو چڈھا اور کیلاش گہلوت کا نام

جموں و کشمیر میں مقیم پاکستانی مہاجرین کو ملے گا زمین کا مالکانہ حق: ایل جی منوج سنہا

جس کی وجہ سے جسٹس جوزف نے تعطیلات کے دوران کیس سننے کی پیشکش کی۔ تاہم بانو کے وکیل نے اس پر اتفاق کیا۔ لیکن سالیسٹر جنرل تشار مہتا اور مجرموں کے وکلاء تیار نہیں تھے۔ اسی وقت جسٹس جوزف اس سماعت میں تاخیر پر ناراض ہوگئے اور پھر انہوں نے مجرموں کے وکیل سے کہا کہ یہ واضح ہے کہ آپ نہیں چاہتے کہ یہ بنچ اس کیس کی سماعت کرے۔ عدالت نے کیس کی سماعت جولائی تک ملتوی کرنے کا فیصلہ کیا ہے۔