'ہم وکیلوں کی کمائی کرانے نہیں بیٹھے'، چیف جسٹس چندرچوڑ نے دکھایا سخت رخ، جانئے پورا معاملہ

نئی دہلی : چیف جسٹس ڈی وائی چندر چوڑ نے جمعہ کو کہا کہ ہم وکیلوں کی کمائی کرانے نہیں بیٹھے ہیں ۔ ہم جانتے ہیں کون کورٹ میں پیش ہوا اور کون نہیں ۔ اگر کوئی عدالت میں آیا ہی نہیں تو ہم کیا کرسکتے ہیں ۔ ہم ایسے لوگوں کی مدد نہیں کریں گے ۔ چیف جسٹس کے سخت تیور کے بعد کورٹ میں سناٹا چھا گیا ۔

دراصل یہ معاملہ ایک خاتون وکیل کی جانب سے سینئر وکیل کا نام کیس میں شامل کرنے کی مانگ سے وابستہ ہے ۔ ایک معاملہ کی سماعت کے دوران خاتون وکیل نے مطالبہ کرتے ہوئے کہا کہ اس کیس میں سینئر وکیل کا نام شامل کیا جائے ۔ اس مطالبہ پر چیف جسٹس ناراض ہوگئے ۔

انہوں نے کہا کہ اگر کوئی کورٹ میں آیا ہی نہیں تو ہم کیا کرسکتے ہیں، ہم ایسے لوگوں کی مدد نہیں کریں گے ۔ چیف جسٹس چندر چوڑ کی صدارت والی بینچ نے کہا کہ عدالتیں کسی وکیل کی حاضری کو نشان زد نہیں کرسکتی ہیں ۔ اگر وہ حقیقت میں معاملہ میں پیش نہیں ہوا ہے ۔

یہ بھی پڑھئے: وکیل کے لباس میں آئے شوہر نے خاتون کو ماری گولی، اسپتال میں کرایا گیا داخل

یہ بھی پڑھئے: سوڈان کی خانہ جنگی میں پھنسے کئی ہندوستانی ہوٹل میں قید، بنا بجلی، پانی کاٹ رہے دن

حالانکہ وکیل نے زور دیا تو چیف جسٹس نے یہ کہتے ہوئے انکار کردیا کہ انہیں یاد ہے کہ اس معاملہ میں کون پیش ہوا تھا اور عدالت وکیلوں کیلئے آمدنی پیدا کرنے کیلئے نہیں ہے ۔