سپریم کورٹ کا مدھیہ پردیش حکومت کو حکم، 17سال سے لاپتہ لڑکے کا پتہ لگانے کیلئے بنائے ایس آئی ٹی

سپریم کورٹ نے ہفتہ کو مدھیہ پردیش حکومت کو درخواست گزار کے لاپتہ بیٹے کے معاملے کی جانچ کے لیے خصوصی تفتیشی ٹیم (ایس آئی ٹی) تشکیل دینے کا حکم دیا ہے۔ جسٹس اجئے رستوگی اور جسٹس سی ٹی روی کمار کی بنچ نے حال ہی میں دئیے احکم میں کہا کہ مدھیہ پردیش حکومت معاملے کی جانچ کے لیے ایس آئی ٹی بنائے اور کیس کی جانچ اسے سونپے۔

17 سال سے لاپتہ ہے درخواست گزار کا بیٹا
دراصل، درخواست گزار کا بیٹا تقریباً 17 سال سے لاپتہ ہے۔ درخواست گزاراٹّو نے شکایت کے ساتھ عدالت عظمیٰ کا دروازہ کھٹکھٹایا تھا، جس میں کہا گیا تھا کہ ان کے نابالغ بیٹے کا پتہ نہیں چل رہا ہے۔ اس کے بیٹے کے خلاف 18 جنوری 2005 کو ایف آئی آر درج کی گئی تھی۔

ہائی کورٹ کے حکم کو سپریم کورٹ میں کیا گیا چیلنج
درخواست گزار نے مدھیہ پردیش ہائی کورٹ کے سامنے ہیبیس کارپس کی درخواست بھی دائر کی تھی، جسے مئی 2020 میں خارج کر دیا گیا تھا، جس کے بعد اس نے ہائی کورٹ کے حکم کو سپریم کورٹ میں چیلنج کیا تھا۔

یہ بھی پڑھیں:
حیدرآباد کے پرائیویٹ اسکول میں طالب علم کے ساتھ ریاگنگ، غیر انسانی سلوک پر چوطرفہ تنقید

یہ بھی پڑھیں:
نیپال میں 5.4 شدت کا زلزلہ، دہلی-این سی آر میں جھٹکےمحسوس کیےگئے، ایک ہفتے میں دوسراجھٹکا

انسپکٹر جنرل آف پولیس کو سونپی گئی ذمہ داری
عدالت نے کہا کہ ہم ریاستی حکومت کو ہدایت دیتے ہیں کہ وہ ایس آئی ٹی کی تشکیل کرے اور اس عدالت کے حکم کی تعمیل کرتے ہوئے مزید تفتیش ایس آئی ٹی کو سونپی جائے۔ سپریم کورٹ نے کہا کہ ریاستی حکومت کی طرف سے تشکیل کردہ ایس آئی ٹی کی اسٹیٹس رپورٹ اس عدالت میں پیش کی جائے۔ ریاستی حکومت کی طرف سے تشکیل دی گئی ایس آئی ٹی کی سربراہی انسپکٹر جنرل آف پولیس کریں گے۔